ދިވެހިރާއްޖޭގެ ޤައުމީ ޔުނިވަރސިޓީއަށް 50 އަހަރު ފުރޭ ރަންޔޫބީލްގެ ހަރަކާތްތަކުގައި ބޭނުންކުރުމަށް ލޯގޯއެއް ފަރުމާކުރުމަށް ޝައުޤުވެރިވާ ހުރިހާ ފަރާތްތަކަށް ފުރުސަތު ހުޅުވާލައިފިއެވެ.
ލޯގޯ ފަރުމާކުރުމުގައި ބަލަންޖެހޭ ކަންކަމުގެ މައުލޫމާތު ޝީޓު ގެޒެޓްގައި ޝާއިކޮށްފައިވާ ކަމަށާއި އަދި ލޯގޯގެ އަގު ހުށަހަޅަންވާނީ ބަޔާންކޮށްފައިވާ މަސައްކަތް (ޔުނިވަރސިޓީގެ މިންގަނޑާ އެއްގޮތަށް) ކޮށް ނިންމޭނެ އަގެއް ކަމަށް ވެސް އެ ޔުނިވާސިޓީއިން ހާމަކުރައްވައެވެ.
މިކަން ކުރުމަށް ޝައުގުވެރިވާ ފަރާތްތަކުން މިމަހުގެ 15 ވަނަ ދުވަހުގެ މެންދުރު 13:00ގެ ކުރިން އީމެއިލް މެދުވެރިކޮށް، ޕްރޮޕޯޒަލް ހުށަހެޅުމަށް އެ ޔުނިވާސިޓީން ވަނީ ހުޅުވާލާފައެވެ.
ޕްރިންޓް ކޮޕީ ހުށަހަޅަން ބޭނުންފުޅުވާ ފަރާތްތަކުން އެ ފަރާތްތަކުގެ ޕްރޮޕޯސަލް، ބަންދުކުރެވިފައިވާ ސިޓީ އުރައެއްގައި، ދިވެހިރާއްޖޭގެ ޤައުމީ ޔުނިވަރސިޓީގެ އިދާރީ މަރުކަޒުގެ ރިސެޕްޝަނަށް މަތީގައި ބަޔާންކުރި ސުންގަޑީގެ ކުރިން ހުށަހެޅުއްވުމަށް އިލްތިމާސްކުރައްވައެވެ.
އެމްއެންޔޫއިން ވިދާޅުވެފައިވަނީ، ސިޓީއުރައިގެ ބޭރުގައި މަސައްކަތަށް ދެވިފައިވާ ނަން، އިޢްލާން ނަންބަރު އަދި ޕްރޮޕޯސަލް ހުށަހަޅާ ފަރާތުގެ ނަން ލިޔެފައި އޮންނަންވާނެ ކަމަށެވެ.
އިޢްލާން ބައްލަވާލެއްވުމަށް:
https://www.gazette.gov.mv/iulaan/252063
