ރިޔާސީ އިންތިހާބުގައި، އެމްޑީޕީގެ ރިޔާސީ ކެންޑިޑޭޓް ރައީސް އިބްރާހީމް މުޙައްމަދު ޞާލިޙް ނުހޮވިއްޖެނަމަ ރައްޔިތުން ކަރުނައަޅައި ރޯނެ ކަމަށް އައްޑޫ މީދޫ ދާއިރާގެ މެމްބަރު ރޮޒެއިނާ އާދަމް ވިދާޅުވެއްޖެއެވެ.
ރިޔާސީ އިންތިހާބުގައި އާ މީހަކަށް، ޒުވާނަކަށް އަދި ދެމަފިރިންނަށް ވޯޓުލުމުން ވާގޮތެއް ބަލަންވެސް ވޯޓު ލެވިދާނެ ކަމަށާއި ނަމަވެސް އެގޮތަށް ލާ ވޯޓެއްގެ ސަބަބުން އެއްވެސް ސަބަބަކާއި ހުރެ ރައީސް ޞާލިހު ނުހޮވިއްޖެނަމަ ރައްޔިތުން ކަރުނައަޅާ ރޯނެ ކަމަށް ރޮޒެއިނާ ވިދާޅުވިއެވެ.
"އަޅުގަނޑު ހަމަ މިތާހުރެ މި ދަންނަވަނީ ދިވެހި ރައްޔިތުން ކަރުނައަޅާ ރޯނެ." ރޮޒެއިނާ ވިދާޅުވި އެވެ.
މިއީ ސަމާސާއަކަށް ސަކަރާތް ޖަހާކަށް ނުވަތަ އިންތިހާބެއް ތެރޭގައި ވީމަ ދައްކާ ވާހަކައެއް ނޫންކަމަށާއި، ރައީސް ޞާލިޙް ހައި ކެތްތެރި މަޑުމައިތިރި އިހްލާސްތެރި، ރައްޔިތުންނާއިމެދު ވިސްނާ އަދި ހަމަ ސްޓްރެޓެޖީކްކޮށް ވިސްނަވައިގެން ކަންކަން ނިންމަވާ ބޭފުޅަކާ ދިމާ ނުވާކަމަށް ރޮޒެއިނާ ވިދާޅުވިއެވެ.
ރާއްޖޭގެ އެކި ކަންކޮޅުތަކުން ތަރައްޤީ މިއަދު ފެންނަން އޮތީ ފައިސާ ރަނގަޅު ގޮތުގައި ބޭނުން ކުރުމުން ކަމަށެވެ. އަދި ލޯނުތައް ވެސް ނެގީ ކޮވިޑްތެރޭ ރައްޔިތުން ބަނޑަށް ނުޖައްސާ ގެންގުޅެން ވެގެން ކަމަށާއި ބްރިޖު އަޅަން ނަގާ ލޯނަށް ވުރެ ރައްޔިތުން ބަނޑަށް ޖެހޭ ވަގުތު ކާއެތިކޮޅު ހޯދަން ނަގާ ލޯނު މާ މުހިއްމުވާ ކަމަށްވެސް ރޮޒައިނާ ވިދާޅުވިއެވެ.
މިފަހަރުގެ ރިޔާސީ އިންތިހާބުގައި 8 ކެންޑިޑޭޓަކު ވާދަކުރައްވައެވެ. އަދި އިންތިހާބު އޮންނާނީ އަންނަ ސެޕްޓެންބަރު މަހުގެ 9 ވަނަ ދުވަހުއެވެ.
ކިޔުންތެރިންގެ ޚިޔާލުތައް:
ޜައްޔަތުން ބަނޑަށް ނުޖައްސަންނެގިލޯނަށްވުރެބޮޑުތާ މިސަރުކާރުންވެސް ބުރިޖުއަޅަންނެގިލޯނު ނިމިދިޔަސަރުކާރުގެ ކޮރަޕްޝަށްވަރަށްބޮޑު މައްސަލަނުބަލަ ވެންޓިލޭޓަރކޮބާ
ތީ ކަލެއށް ހަމަ ހީޥާގޮތް
ރޯންވެސް ަގުތު ދޭންއެބަޖެހޭ އަބަދުހޭންވެއްޖެއްޖިއްޔާ އެއީ ނުރަށްކަލެއްގެސިގުނަލް ރަށްޔިތުންނަށްހެޔޮއެދެންޏާ.ރޯނެވަގުތުވެސްދޭންއެބަޖެހޭ އޯކޭ
ރައިއްޔަތުންގެ ކަމެއް ވޯޓުދިނުމަކީ، ރޮޒޭނާއެކަނި ވޯޓުދީގެން ހޮވެންޏާ ހޮވާ!
ޔަގީނުންވެސް ރއިބުރާހިމަށް ރައިއްޔަތުން ވޯޓު ނުދޭނީ ތިބޭކަލަކު ނުހޮވިނަސް ދެރަނުވާތީކަން ޔަގީން ކަށަވަރު، ރޮޒޭނާ މޮޔަފުޅުވީތޯ؟؟