ކުރިއަށް އޮތް ރިޔާސީ އިންތިހާބުގެ ދެވަނަ ބުރުގައި ދަ ޑިމޮކްރެޓްސް ވާދަ ކުރައްވާނެ ކަަމަށާއި، ރައީސް އިބްރާހިމް ޞާލިހާއި އެމްޑިޕީ މެންބަރުންވެސް އަރަން ޖެހިވަޑައިގަންނަވާނީ އެ ޕާޓީގެ ރިޔާސީ ކެންޑިޑޭޓް އިލްޔާސް ލަބީބްގެ ފަހަތްޕުޅަށް ކަމަށް ކުރީގެ ރައީސް އަދި ރައްޔިތުންގެ މަޖިލީހުގެ ރައީސް މުހައްމަދު ނަޝީދު ވިދާޅުވެއްޖެއެވެ.
މިއަދުވެސް ވިލިނގިލިންވެސް ފެންނަމުން ދަނީ އެ ޓީމް ކަމަށާއި އެ ޓީމްގައި އުނިކަމެއް ނެތް ކަމަށާއި، އަދި އެ ފަލްސަފާ ފިކުރު އަދި ބަހުރުވަ އަދިވެސް މިތަނުގައި އެބަ އޮތް ކަމަށްވެސް ނަޝީދު ވިދާޅުވިއެވެ.
"ހާއްސަ ގޮތެއްގައި އަޅުގަނޑަށް ފެންނަ ތަނުގައި އަޅުގަނޑުމެން ތިބޭނީ ދެވަނަ ބުރުގައި، އެބޭފުޅުން ތިބުން ގާތީ އަޅުގަނޑުމެންނާއި ގާތް ތިން ވަނައިގައި، އަޅުގަނޑު އެމްޑީޕީ މެންބަރުންނަށް ދަންނަވަން ދެވަނަ ބުރުގައި ތިބޭފުޅުން އިލްޔާސް ލަބީބްގެ ފަހަތަށް އަރުއްވަން.".
އަދި ނަޝީދު ވިދާޅުވީ، ދެވަނަ ބުރުގައި ރައީސް ސޯލިހާއި އެމްޑީޕީންވެސް އަރަން ޖެހިވަޑައިގަންނަވާނީ އިލްޔާސްގެ ފަހަތަށް ކަމަށެވެ.
"ރައީސް ޞާލިހަށް އަޅުގަނޑު ދަންނަވަން، ރައީސްއޭ މިހާރުވެސް ފަރިތަވެއްލައްވާށޭ،. އަޅުގަނޑު މި ހުރީ އިލްޔާސް ލަބީބްގެ ފަހަތުގައި، އެއްވެސް ގުޅުމެއް ނެތް ގޮތުގައި ސާބިތު ކަންމަތީގައި އަޅުގަނޑު މި ހުރީ އިލްޔާސް ލަބީބް ފަހަތުގައި، ރައީސް ޞާލިހަށްވެސް ސެޕްޓެމްބަރު 9 ގެ ފަހުން އުޅުއްވަން ޖެހިވަޑައިގަންނާނީ އިލްޔާސްގެ ފަހަތުގައި، އެމްޑީޕީގެ ހުރިހާ ބޭފުޅުންވެސް ތިއްބަވާނީވެސް އިލްޔާސް ލަބީބްގެ ފަހަތުގައި. ކާމިޔާބު ކުރާ އަޅުގަނޑުމެންގެ ކެންޑިޑޭޓުގެ ފަހަތުގައި."
ރައީސް ނަޝީދު ވިދާޅުވިއެވެ.
މިހާރު ރާއްޖެއަށް މިހާރު އެންމެ މުހިންމު އެއް ކަމަކީ މާލީ އަދި އިދާރީ ކަންކަމުގައި ލޯ ހުޅުވޭ ޒުވާން ލީޑަރެއް ރައީސްއެއްގެ ގޮތުގައި އަޅުގަނޑުމެންނަށް ހިދުމަތް ކުރުން ކަމަަށް ނަޝީދު ވިދާޅުވިއެވެ.
