މި އަހަރު ސެޕްޓެމްބަރު މަހު އޮންނަ ރިޔާސީ އިންތިހާބުގައި ވާދަކުރައްވާ ދި ޑިމޮކްރެޓްސްގެ މެނިފެސްޓޯ ލޯންޗް ކުރުން މާދަމާ ރޭ ބާއްވާ ގޮތަށް ހަމަޖެހިއްޖެއެވެ.
މެނިފެސްޓޯ އެކުލަވައިލީ ރާއްޖޭގެ ރަށްތަކަށް ގޮސް ރައްޔިތުންގެ ޚިޔާލާއި ޝުއޫރުތައް އޮޅުންފިލުވުމަށްފަހު އެ ކަންކަމުގެ މައްޗަށް ބިނާކޮށްގެން ކަމަށާއި، މެނިފެސްޓޯގައި ހިމެނޭ ބައެއް ސިޔާސަތުތައް މީގެ ކުރިން ކެމްޕެއިން ޖަލްސާތަކުގައި ވަނީ ހާމަކޮށްފައެވެ.
ޑިމޮކްރެޓްސްގެ މެނިފެސްޓޯ ލޯންޗު ކުރުމަށް ދަތުރު ކުރަނީ ޓީމުތަކަށް ބަހާލައިގެންނެވެ. މިދަތުރު ތަކުގައި އިސްކޮށް އުޅުއްވަނީ ރައްޔިތުންގެ މަޖިލީހުގެ ރައީސް މުހައްމަދު ނަޝީދެވެ.
ޑިމޮކްރެޓްސްގެ ރިޔާސީ ކެންޑިޑޭޓް އިލްޔާސް އަދި ރަނިންމޭޓް އަމްރު އަންނަނީ ކުރީގެ ރައީސް ނަޝީދާއެކު ކެމްޕޭން ހަރަކާތްތައް ކުރިއަށް ގެންވަމުންނެވެ. އެގޮތުން ރާއްޖޭގެ އެކި ރަށްރަށަށް ދަތުރުކުރައްވާ ކެމްޕޭން ޖަލްސާތައް ވަނީ ބާއްވަވާފައެވެ.