ޖުމްހޫރީ ޕާޓީގެ ލީޑަރު ޤާސިމް އިބްރާހީމްގެ ވެރިކަމެއްގައި ރާއްޖޭގެ ޞިއްޙީ ދާއިރާ އެއްކޮށް ރަނގަޅުކުރައްވާނެކަމަށް، ކުރީގެ ޔޫތު މިނިސްޓަރ އަދި ޤާސިމްގެ ސްޕެޝަލް އެޑްވައިޒަރ ޑރ. އިރުތިޝާމް އާދަމް ވިދާޅުވެއްޖެއެވެ.
އެކަމަނާ މިހެން ވިދާޅުވީ، "ސިއްހީ ފަރުވާއާއި އޯގާތެރިކަން" މި ނަމުގައި ޖޭޕީން ކުރިޔަށްގެންދިޔަ ޕެނަލް ޑިސްކަޝަންއެއްގައި ވާހަކަދައްކަވަމުންނެވެ.
ޤާސިމް އިބްރާހީމްގެ ވެރިކަމެއްގައި ރާއްޖޭގެ ސިއްހީ ދާއިރާ އެއްކޮށް ރަނގަޅުކުރައްވާނެކަމަށާއި، އެމަނިކުފާނުގެ ވެރިކަމެއްގައި ބޮޑެތި ބަލިތައް ދިމާވާ މީހުންނަށް ފުރިހަމަ ސިއްހީ ފަރުވާ ލިބޭނެކަމަށާއި، ރާއްޖޭން ބޭރަށް ދާނަމަ ހުރިހާ ޚަރަދެއް ސަރުކާރުން ފޯރުކޮށްދޭނެކަމަށް ގާސިމްވެސް ވަނީ ވިދާޅުވެފައިވެއެވެ.
ޑރ. އިރުތިޝާމް ވިދާޅުވީ، އޮނަރަބަލް ޤާސިމް އިބްރާހީމަކީ ކުރީއްސުރެވެސް ސިއްހީ ދާއިރާއިން އެތައް ރައްޔިތުންނަކަށް އެހީތެރިވެފައިވާ ބޭފުޅެއްކަމަށާއި، ރާއްޖޭގެ ސިއްހީ ދާއިރާގެ ހާލަތު މިހާރު އޮތްގޮތުން ވަރަށް ގިނަ ބަޔަކު އެމަނިކުފާނުގެ އަރިހުގައި ކަންބޮޑުވުން ފާޅުކުރައްވަމުން ގެންދާ ކަމަށެވެ.
މީގެއިތުރުން، ޑރ އިރުތިޝާމް ވިދާޅުވީ، އާސަންދަ ބެޖެޓް މިހާރު އޮންނަނީ ވަރަށް ބޮޑަށް ކޮރަޕްޝަނަށް ވާރުތަވާ ގޮތަށްކަމަށާއި، އެެހެންކަމުން ރައްޔިތުންނަށް ބޭނުންވާ ޞިއްޙީ ޚިދުމަތް ނުލިބޭކަމަށާއި އެ ނިޒާމަކީ ރައްޔިތުން އިތުބާރުކުރާ ނިޒާމަކަށް ހަދަންޖެހޭ ކަމަށެވެ.
ރާއްޖޭން ބޭރަށް ދަތުރުކުރާ މީހުން މަދުކުރުމަށްޓަކައި ރާއްޖޭގެ ތިން ސަރަހަށްދެއްގައި ހުރިހާ ބަލިބައްޔަށް ބޭސްފަރުވާކުރެވޭނެ ނިޒާމު ހަމަޖެއްސާނެކަމަށް، ބޭސްފަރުވާއަށް މީހުން ފޮރުވައި އެތަކެއް ޚިދުމަތެއް ކުރައްވާފައިވާ ޤާސިމް ވިދާޅުވެފައިވެއެވެ.
