ދިޔަވަރު ބޮޑުވާ ވަގުތުތަކުގައި ބައެއް ރަށްތަކަށް އުދައިގެ އަސަރު ކުރުމަކީ އެކަށީގެންވާ ކަމެއް ކަަމަށް ރާއްޖޭގެ މޫސުމާއި ބެހޭ ގައުމީ އިދާރާ (މެޓް) އިން ވިދާޅުވެއްޖެއެެވެ.
ރާއްޖޭގެ ބައެއް ހިސާބުތަކަށް އެއިރު ރާޅު ބާނީގެ އުސްމިން 6-8 ފޫޓާއި ދެމެދު އުފުލިގެން ދިއުމުން ކަމަށް މެޓް އޮފީހުން ވިދާޅުވެފައި ވެއެވެ.
މިއަދުގެ މޫސުން ކުރިއަށް ލަފާކޮށް މެޓް އޮފީހުން ވިދާޅުވީ، ރާއްޖޭގެ މޫސުން އާއްމު ގޮތެއްގައި ރަނގަޅުވާނެ ކަމަށެވެ. އަދި ވައި ޖެހޭނީ ހުޅަނގާއި ހުޅަނގު އުތުރުން ގަޑިއަކު ފަސް މޭލާއި 15 މޭލާ ދެމެދުގެ ބާރުމިނުގައި ވައިޖެހޭނެ ކަމަށްވެސް ލަފާ ކޮށްފައި ވެއެވެ.
ކަނޑުތައް އާދައިގެ ވަރަކަށް މަޑުވާނެ ކަމަށްވެސް ލަފާކޮށްފައި ވެއެވެ. އަދި ރާޅުގެ އުސްމިން 2-5 ފޫޓަށް އުފުލޭނެ ކަމަށްވެސް ވިދާޅުވެއެވެ.
"ދިޔަވަރު ބޮޑުވާ ވަގުތުތަކުގައި ބައެއް ރަށްތަކަށް އުދައިގެ އަސަރު ކުރުން އެކަށީގެންވޭ.". މެޓް އޮފީހުގެ ސަމާލުގައި ހާމަކުރައްވާފައިވެއެވެ.
މީގެ ހަފްތާއެއް ކުރިންވެސް ރާއްޖޭގެ ބައެއް ރަށްތަކަށް އުދަ އަރައި ގެއްލުންތަކެއް ވެފައިވާއިރު، މާލެ ސަރަހައްދަށް އެރި އުދައިގެ ސަބަބުންވެސް ގެއްލުންތަކެއް ވަނީ ލިބިފައެވެ.
