އިދިކޮޅު ކޯލިޝަންގެ ރިޔާސީ ކެންޑިޑޭޓް ޑރ. މުހައްމަދު މުއިއްޒަކީ ސަލަފު ޖަމިއްޔާއާ ގުޅިފައިވާ ކެންޑިޑޭޓެއް ކަމަށް ރައީސް ޞާލިހުގެ ކެމްޕޭން ތަރުޖަމާނު މާރިޔާ އަޙްމަދު ދީދީ ވިދާޅުވުމުން، ސަލަފް ޖަމިއްޔާގެ އިސް މެންބަރެއް ކަމަށްވާ އަލީ ރަމީޒް ނުރުހުން ފާޅުކުރައްވައިފިއެވެ.
އަލީ ރަމީޒް ވިދާޅުވި ގޮތުގައި ދިފާއީ ވަޒީރުގެ މަގާމުގައި ހުރެ ބޭރު ގައުމެއްގެ ސިފައިން އަރައި ރާއްޖެ ހިފިދާނެ ކަމަށް ބުނި މީހަކު (މާރިޔާ) ތިމަންމެން ރައްޔިތުން ގާތަށް މި އަންނަނީ ރައްޔިތުން އެދޭ ކަންކަމާއިގެންނޭ ބުނަން ލަދު ގަންނަން ޖެހޭނެ ކަމަށެވެ.
Dhifaaee vazeeruge magaamugai hure beyru qaumegge sifain araa raajje hifidhaane kamah bune, qaumu alhudhaasthu kuri meehaku, thimanmen rayyithun gaathah mi annanee rayyithun edhey kan kamaigenney bunan ladhu nuganey tho? #traitor
— Ali Rameez (@aliramyz) August 15, 2023
މިއަދުގެ ބައްދަލުވުމުގައި މާރިޔާ ވިދާޅުވެފައިވަނީ ޕީޕީއެމްގެ ކެނޑިޑޭޓެއް ނެތް ކަމަށާއި މުއިއްޒުއަކީ ޕީއެންސީ އާއި ސަލަފްގެ ކެނޑިޑޭޓެއް ކަމަށެވެ. އެހެންކަމުން މުއިއްޒުއަށް ޕީޕީއެމް މީހުން ސަނާ ކިޔަން ޖެހޭ އެއްވެސް ސަބަބެއް ނެތް ކަމަށް މާރިޔާ ވަނީ ވިދާޅުވެފައެވެ.
މާރިޔާ ވިދާޅުވާ ގޮތުގައި އިދިކޮޅު ކޯލިޝަންގެ މީހުން ރައީސް ޞާލިހުގެ ކެމްޕެއިނަށް ހުރަސް އަޅަނީ ރައްޔިތުންގެ ނަޒަރުގައި އެމަނިކުފާނަކީ ރައްޔިތުންނަށް އިހާނެތިކޮށް ކަންތައް ކުރާ ކެނޑިޑޭޓެއްގެ ގޮތުގައި މަންޒަރު ދައްކާލުމަށެވެ. އެފޮޓޯގެ ބޭނުމުގައި ރައީސް ސޯލިހުގެ ކެމްޕެއިނަށް ހުރަސްއަޅައި ފުލުހުންނާއި ސިފައިންނާއި ކުރިމަތިލާން އިދިކޮޅުން އަންނަނީ ކަމަށް މާރިޔާ ވަނީ ވިދާޅުވެފައެވެ.
"ފޮޓޯ ޝޮޓެއް ހޯއްދަވާލެއްވުމަށް އިދިކޮޅުން އެކަން އެގޮތަށް ނުކުރައްވާ. ހުރިހާ ކެންޑިޑޭޓުންގެ ވެސް އަޑު އިއްވުމަށް ޖާގަ ދެއްވާ. ޑިމޮކްރެޓިކް ޕްރޮސެސް އިހުތިޔާރު ކުރައްވައި އެނޫން ގޮތްގޮތަށް ނޫޅުއްވުމަށް އިލްތިމާސް ކުރަން." މާރިޔާ ވިދާޅުވިއެވެ.
މާރިޔާ ވިދާޅުވީ 2018 ވަނަ އަހަރުގެ ރިޔާސީ އިންތިހާބުގައި، ސިޔާސީ މަސްރަހު އެންމެ ހަލަބޮލިވި ދުވަސްވަރުވެސް އެމްޑީޕީން އިދިކޮޅުގައި އޮވެގެން އެފަދަ އެއްވެސް ކަމެއް ކޮށްފައި ނުވާނެކަމަށެވެ. އަދި މިހާރުވެސް އެމްޑީޕީން އެހެން ކެންޑިޑޭޓުންގެ ކެމްޕެއިނަށް ހުރަސްއަޅަމުން ނުދާކަމަށް މާރިޔާ ވިދާޅުވިއެވެ.
ކިޔުންތެރިންގެ ޚިޔާލުތައް:
ރުހުނަސް ނުރުހުނަސްތެދުވާނީތެދަށް!
ރާއްޖޭގައި ދީނާއިޚިލާފް ކޮންމެ ކަމެއްކުރިޔަސް އަދާލަތު ބޮލުގަ އަޅުވާހައްދު ފަހަނައެޅިގުރޫޕެއް ސަލަފަކީ!ރާއްޖެގަ ކުށްކުރާމީހަކު ކުށްކުރާއިރަށް ތިޔަސަލަފުތެަޅިގަންނާނެ ! ގޮޮވާނެ ކޮބާހޭއަދާލަތު ނޫނީ އިމުރާނު މިސަލަފުގުރޫޕްގެ ބަހުރުވަހުންނަގޮތުން ހީވކަހަލަ ރާއްޖޭގެ ކުށްކުރާ ކޮންމެމީހަކުފަހަތު ބަލަން އަދާލަތު މަީހަކުހުންންންޖެހޭނޭ ބުނާކަހަލަ ތިޔަޖަމްިއްޔާހިންގަނީކޮންބައެއްކަން އެގެޔށާާތހިންޯޯގުމުގެޚަރަދު ދެނީކޮންބައެއްކަން އޮތީ އެނގިފަ!