ބޮލީވުޑް ފިލްމުތަކުގެ ތެރެއިން ކުރިއަށް ނެރެންހަމަޖެހިފައިވާ ސްޕޯޓްސް ޑްރާމާ ފިލްމް ގޫމާގައި އުޅޭ ފިލްމީތަރި، އަބީޝޭކް ބައްޗަންނާއި ބެހޭގޮތުން އޭނާގެ ބައްޕަ ކަމަށްވާ އަމީތާބް ބައްޗަންގެ ޚިޔާލުފާޅު ކޮށްފިއެވެ.
އޮގަސްޓު 15 ވީ އަންގާރަ ދުވަހު އޭނާ ކުރި ޕޯސްޓެއްގައި ބުނެފައިވާ ގޮތުގައި، ދެ ފަހަރަކު އެ ފިލްމް ބެލި ކަމަށާއި ދެފަހަރުވެސް އެ ފިލްމު ބެލުމަށްފަހު އޭނާއަށް ރޮވުނު ކަމަށް ފާހަގަކުރިއެވެ. އަދި ފިލްމުގެ ޑައިރެކްޓަރ، އާރ ބަލްކީއަށާއި އަބީޝޭކްގެ އިތުރުން ފިލްމީތަރި ސައިޔަމީ ޚާ އަށް ތަޢުރީފުކޮށްފައިވެއެވެ.
އަމީތާބު ބުނީ؛ "އޭކް ލޫޒާ ކިޔާ މެހެސޫސް ކަރްތާ ހޭ ވޮހް ތޯ މުޖޭ މާލޫމް ހޭ މޭން ދޭކްނާ ޗާހަތާހޫންކީ އޭކް ވިނާރ ކިޔާ، ކެއެސޭ މެހެސޫސް ކަރްތޭ ހޭން. ދެރަ މީހެއްގެ ހުންނާނެ އިހުސާސްތައް އަހަންނަށް އިނގޭ، އަހަރެން ބޭނުންވަނީ މޮޅު މީހެއްގެ އިހުސާސްތައް ބަލަން."
ހަޤީޤީ ހާދިސާއަކަށް ބިނާކޮށް އުފައްދާފައިވާ މި ފިލްމު ތިއޭޓާރތަކަށް ނެރުމަށް ހަމަޖެހިފައިވާ ތާރީޚަކީ 18 އޮގަސްޓް 2023 އެވެ. ފިލްމުގައި ޕެރެޕްލެޖިކް އެތްލީޓެއްގެ ރޯލް އަދާކޮށްފައިވާ ފިލްމީތަރި ސައިޔާމީ ޚާ އާ ދިމާވުމުގެ ސަބަބުން ދިރިއުޅުން ކުރިން އުންމީދު ވެސް ކޮށްފައި ނުވާގޮތަކަށް ބަދަލުވެގެންދިޔަ ކްރިކެޓް ކޯޗެއްގެ ރޯލް އަދާކޮށްފައިވާ ފަރާތަކީ އަބީޝޭކް ބައްޗަނެވެ.
