ދޮގު އިލްޒާމު އަޅުވާ އަބުރު ކަތިލާ، އާންމުން އެއްކޮށްގެން ހަގީގާތާއި ހިލާފު ދޮގު ވާހަކަ ދެއްކެވި ކަމަށް ކުރީގެ ރައީސް ނަޝީދުގެ މައްޗައް ތުހުމަތުކޮށް، އަބުރުގެ ދައުވާ ކުރާނެ ކަމަށް ކުރީގެ ފޭދޫ ދާއިރާގެ މަޖިލިސް މެމްބަރ އަލްހާން ފަހުމީ ވިދާޅުވެއްޖެއެވެ.
އަލްހާން ފަހުމީ ކުރެއްވި ޓްވީޓެއްގައި މިހެން ވިދާޅުވީ، ރޭ ދަ ޑިމޮކްރެޓްސްއިން ބޭއްވި ކެމްޕެއިން ޖަލްސާގައި ކުރީގެ ރައީސް ނަޝީދު ދެއްކެވި ވާހަކަގައި ބިންވެރިޔާގެ ސްކީމުގެ ދަށުން ގުޅި ފަޅު ހިއްކައި ގޯތި ދޭން މި ސަރުކާރުން ކުރަން އުޅޭ ކަމަކީ ފޭދޫ ދާއިރާގެ ކުރީގެ މެމްބަރު އަލްހާން ފަހުމީ ހިންގަވާ ޕޮންޒީ ސްކޭމަށް ވުރެ ނުބައި ސްކޭމެއް ކަމަށް ވިދާޅުވުމާ ގުޅިގެންނެވެ.
އަދި ބަދަލުގައި 3333 ބިޓްކޮއިން ހޯދާނެކަމަށްވެސް އަލްހާން އެ ޓްވީޓގައި ބުނެފައިވެއެވެ.
ދޮގު އިލްޒާމް އަޅުވާ އަބުރު ކަތިލާން ، ޢާންމުން އެއްކޮށްގެން ޙަގީގަތާ ޚިލާފު ދޮގުވާހަކަ އަޅުަނޑާ ބެހޭގޮތުން ރައްޔިތުންގެ މަޖްލިހުގެ ރައީސް @MohamedNasheed ދެއްކެވި މައްސަލައިގާ އޭނާގެ މައްޗަށް އަބުރުގެ ދަޢުވާ ކުރާނަން !
ބަދަލުގައި 3333 ބިޓްކޮއިން ހޯދަން ދަޢުވާގައި ހިމަނާނަން!…
— Alhan Fahmy (@AlhanFahmy) August 20, 2023
އަލްހާނު ފަހުމީ އިސްވެ ހުންނަވައި ފޮރެކްސް ޓްރޭޑް ކުރުމުގެ ނަމުގައި މީހުންގެ އަތުން ގިނަ އަދަދެއްގެ ފައިސާ ނަގައިގެން ޕޮންޒީ ސްކީމެއް ހިންގައި، އާއްމުންގެ އަތުން ނެގި ފައިސާ ލޯންޑަރ ކުރި ކަމަށް ވަނީ ތުހުމަތުތަކެއް ކުރެވި، އަދި ގެއްލުންވެގެން އެތައް ބައެއްގެ ޝަކުވާ އުފުލާފައެވެ.
ނަމަވެސް އެކަމާއި ގުޅިގެން އަލްހާން ފަހުމީ ވިދާޅުވެފައިވަނީ މަކަރާއި ހީލަތް ހަދައިގެން މީހުން އަތުން ފައިސާ ނަގާ މަނީ ލޯންޑަރ ކުރިކަމަށް ބުނެ ފުލުހުން ކުރި ތުހުމަތަށް ކަނޑައެޅިގެން އިންކާރު ކުރާކަމަށެވެ.
ގުޅުންހުރި:
