އިންތިޚާބަށް ކުރިމަތިލުމަކީ ޤާނޫނު އަސާސީއިން ލިބިދޭ ޙައްޤެއް ކަމަށާއި، ފާރިސް މައުމޫން ކުރިމަތިލީ ޤަައުމުގެ މިނިވަންކަން ގެއްލޭ ހިސާބަށް ގޮސް، ކޮރަޕްޝަނާއި ފަސާދަ އާއި މަޤާމުގެ ބޭނުން ނަހަމަ ގޮތުގައި ހިފާއިރު އެކަން ފާހަގަކުރުމުން ބީރު ކަންފަތެއް ދެއްވާ ފިޔަވަޅު އަޅާނެ ހިތްވަރެއް ރައީސުލްޖުމްހޫރިއްޔާގެ ކިބައިގައި ނެތުމުން ކަމަށް ވިދާޅުވެ، ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙަށް، އަމިއްލަ ގޮތުން ރިޔާސީ އިންތިޚާބުގައި ވާދަކުރައްވާ ކެންޑިޑޭޓް އަޙްމަދު ފާރިސް މައުމޫންގެ ކެމްޕެއިން ސްޕޯކްސްޕާސަން އާމިނަތު ނާދިރާ ވަރުގަދަ ރައްދެއް ދެއްވައިފިއެވެ.
މިއަދު ކުރެއްވި ޓްވީޓެއްގައި ނާދިރާ ވިދާޅުވީ، އިންތިޚާބަށް ކުރިމަތިލުމަކީ ޤާނޫނު އަސާސީއިން ލިބިދޭ ޙައްޤެއް ކަމަށާއި، ކެންޑިޑޭޓް ނަންބަރު 6 ފާރިސް މައުމޫން ކުރިމަތިލީ ޤަައުމުގެ މިނިވަންކަން ގެއްލޭ ހިސާބަށް ގޮސް، ކޮރަޕްޝަނާއި ފަސާދަ އާއި މަޤާމުގެ ބޭނުން ނަހަމަ ގޮތުގައި ހިފާއިރު އެކަން ފާހަގަކުރުމުން ބީރު ކަންފަތެއް ދެއްވާ ފިޔަވަޅު އަޅާނެ ހިތްވަރެއް ރައީސުލްޖުމްހޫރިއްޔާގެ ނެތީމަ ކަމަށެވެ.
"އިންތިޚާބަށް ކުރިމަތިލުމަކީ ޤާނޫނު އަސާސީއިން ލިބިދޭ ޙައްޤެއް. ކެންޑިޑޭޓް ނަންބަރު 6 ފާރިސް މައުމޫން ކުރިމަތިލީ ޤަައުމުގެ މިނިވަންކަން ގެއްލޭ ހިސާބަށް ގޮސް، ކޮރަޕްޝަނާއި ފަސާދަ އާއި މަޤާމުގެ ބޭނުން ނަހަމަ ގޮތުގައި ހިފާއިރު އެކަން ފާހަގަކުރުމުން ބީރު ކަންފަތެއް ދެއްވާ ފިޔަވަޅު އަޅާނެ ހިތްވަރެއް ރައީސުލްޖުމްހޫރިއްޔާގެ ނެތީމަ."
ނާދިރ ވިދާޅުވިއެވެ.
Inthikhābah kurimathilumakē QA in libidhey haqqeh. Candidate 6✅ @afarismaumoon kurimathilē Qaumuge minivankan gelley hisaabah gos, corruptionaifasādha aa magamuge beynun nahama gothuga hifaairu ekan fāhaga kurumun bēru kanfatheh dhevva fiyavalhu alhāne hiyvareh RJ ge nethēma pic.twitter.com/Jj6ay8JAJp
— Nadira (@a_nadraa) August 21, 2023
ނާދިރާ ރައީސް ޞާލިޙަށް ރައްދެއް ދެއްވާފައި މިވަނީ، އިދިކޮޅު ޕީއެންސީ ފިޔަވައި ދެން ތިބީ ޕާޓީތަކަކީ ރިޔާސީ އިންތިޚާބު ދެވަނަ ބުރަަކަށް ގެންގޮސް، ވޯޓު ބައިބައިކުރުމަށް އިންތިޚާބަށް ނުކުމެ ތިބި ސިޔާސީ ފަރާތްތައް ކަމަށް ރައީސް އިބްރާހީމް މުޙައްމަދު ޞާލިޙް މިއަދު ވިދާޅުވެފައިވަނިކޮށެވެ.
ކެމްޕޭނުގައި ބ. ފެހެންދުއަށް ވަޑައިގެން ވާހަކަފުޅުދައްކަވަމުން ރަައީސް ވިދާޅުވީ އެ ޕާޓީތަކުގެ ބޭނުމަކީ ދެވަނަ ބުރެއްގައި ބަޔަކާއެކު ކޯލިޝަން ހަަދައި ދެން އަންނަ ސަރުކާރެއްގައި މަގާމުތަކެއް ހޯދުންކަމަށެވެ. އަދި އެއީ މުޅިން އަމިއްލަ މަންފާއަށް ކުރާ ކަންތައްތަކެއްކަމަށް ރައީސް ވިދާޅުވިއެވެ.
"އެއް ބައެއްގެ މަޤްސަދަކީ ދެވަނަ ބުރަކަށް މި ގެންދިއުން ބައިބައި ކޮށްލައިގެން ނަމަވެސް،" ރައީސް ވިދާޅުވިއެވެ.
އެ މަނިކުފާނު މި ވާހަކަފުޅުތައް ބިނާކުރެއްވީ ޖުމްހޫރީ ޕާޓީއާއި އެމްއާރްއެމްއަށް ނިސްބަތްކޮށް ކަމަށް ބެލެވެއެވެ. އެހެނީ، އިންތިޚާބަށް ނުކުތުމުގެ ކުރިން ރައީސް ކޯލިޝަަންގެ ދައުވަތު ދެއްވުމުން އެކަން ގަބޫލުނުކޮށް ވަކިން މަސައްކަތް ފެށި ދެ ޕާޓީއެވެ.
ޖުމްހޫރީ ޕާޓީން އެޕާޓީގެ ލިޑަރ ޤާސިމް އިބްރާހިމް ވާދަކުރައްވާއިރު، އަމިއްލަ ކެންޑިޑޭޓެއްގެ ގޮތުގައި ވާދަކުރައްވަނީ އެމްއާރްއެމްގެ ރައީސްކަމުގައި ހުންނެވި ފާރިސް މައުމޫނެވެ.
