ރައްޔިތުންގެ މަޖިލީހުގެ ބައެއް މެންބަރުންނާ ގުޅޭ ރިޝްވަތުގެ މައްސަލަ ފުލުހުންގެ އިދާރާއަށް ހުށަހަޅާފައިވަނީ މަޖިލީހުގެ ޤަވާއިދާ ޚިލާފަށް ކަމަށް މީދޫ ދާއިރާގެ މެންބަރު ރޮޒައިނާ އާދަމް ވިދާޅުވެއްޖެއެވެ.
މަޖިލީހުގެ ކޮމިއުނިކޭޝަން ޑިރެކްޓަރު ޙަސަން ޒިޔާއު އިއްޔެ ރިޔާސީ އިންތިޚާބާ ދިމާކޮށް މަޖިލީހުގެ ބައެއް މެންބަރުން ޕާޓީ ބަދަލުކުރަމުންދާތީއާއި އެކަމުގައި ރިޝްވަތުގެ އަމަލުތަކެއް ހިނގާކަމަށް ތުހުމަތުކުރެވޭ މައްސަލަ ތަހުގީގުކޮށްދިނުމަށް އެދި މަޖިލީހުގެ ރައީސް މުޙައްމަދު ނަޝީދު ފުލުހުންނަށް މައްސަލަ ހުށަހަޅުއްވާފައިވާ ކަމަށް ވިދާޅުވުމުނ،ް ރޮޒައިނާ ކުރެއްވި ޓުވީޓެއްގައިވަނީ އެގޮތަށް އެ މައްސަލަ ހުށަނޭޅޭނެ ކަމަށާއި އެކަން ކޮށްފައިވަނީ ގަވާއިދާ ޚިލާފަށް ކަމަށް ވިދާޅުވެފައެވެ.
Majleehuge ithubaaru gellifa huri meeheh majlis namuga gavaidha khilaafah anekka aneh kanthah mikuree. Majleehun faasnukoh mikameh nukureveyne. Amilla namuga fonuvanvee . Meenayah evves kameh gavaidha eggothah hama nukureveneetho? https://t.co/WKqYSE7TIg
— 𝐌𝐏 𝐑𝐨𝐳𝐚𝐢𝐧𝐚 𝐀𝐝𝐚𝐦 (@Roxeyna) August 26, 2023
”މަޖިލީހުގެ އިތުބާރު ގެއްލިފަ ހުރި މީހެއް މަޖިލިސް ނަމުގަ ގަވާއިދާ ޚިލާފަށް އަނެއްކާ އަނެއް ކަންތައް މިކުރީ. މަޖިލީހުން ފާސްނުކޮށް މިކަމެއް ނުކުރެވޭނެ. އަމިއްލަ ނަމުގަ ފޮނުވަންވީ.“
ރޮޒައިނާ ވިދާޅުވިއެވެ.
ރައީސް ނަޝީދަށް އެއްވެސް ކަމެއް ގަވާއިދާ އެއްގޮތަށް ހަމަ ނުކުރެއްވެނީތޯ ވިދާޅުވެ ރޮޒަައިނާ ސުވާލު އުފައްދަވާފައިވެއެވެ.
