ރިޔާސީ އިންތިޚާބުގައި ޕީޕީއެމާއި އެމްޑީޕީ ދެވަނަ ބުރަކަށް ގޮސްފި ނަމަ ރައީސް މުހައްމަދު ނަޝީދު ތާއީދު ކުރައްވާނީ އެމްޑީޕީއަށް ކަމަށް ޖުމްހޫރީ ޕާޓީގެ ލީޑަރު އޮނަރަބަލް ގާސިމް އިބްރާހީމް ވިދާޅުވެއްޖެއެވެ.
ރިޔާސީ ކެމްޕެއިނަށް ގއ. އަދި ގދ. ގެ އަތޮޅުތަކަށް ކުރައްވަމުން ގެންދަވާ ދަތުރުފުޅުގެ ތެރެއިން ވިލިނގިއްޔަށް ވަޑައިގެން ދެއްކެވި ވާހަކަފުޅުގައި ޤާސިމު ވިދާޅުވީ، ނަޝީދު މިހާރު ދައްކަވާ މަންޒަރަކީ ރައްޔިތުންގެ ލޮލުގައި އަޅުވާ އަނދުނެއް ކަމަށެވެ.
ގާސިމް ވިދާޅުވީ ސިޔާސީ ދާއިރާގައި ފުންނާބު އުސްކޮށް އުޅުއްވާ ބޭފުޅުންގެ ތެރެއިން އެބައެއްގެ މިޒާޖު އެމަނިކުފާނު ދެނެވަޑައިނުގަންނަވާ އެއްވެސް ބަޔަކު ރާއްޖޭގައި ނެތް ކަމަށެވެ. އެގޮތުން ރައީސް ނަޝީދަކީ ކޮންކަހަލަ ބޭފުޅެއް ކަން ވަރަށް ރަނގަޅަށް ދެނެވަޑައިގަންނަވާ ކަމަށް ޤާސިމް ވިދާޅުވިއެވެ. އަދި އެމަނިކުފާނު މަސައްކަތް ކުރައްވަނީ ޕީޕީއެމްގެ ވޯޓު ދެބައި ކޮށް ދެވަނަ ބުރުގައި އެމްޑީޕީގެ ފަހަތަށް އެރުމަށް ކަމަށް ޤާސިމް ވިދާޅުވިއެވެ.
ޤާސިމް ވިދާޅުވިއެވެ.
ޤާސިމް ވިދާޅުވީ، ރައީސް ނަޝީދަކީ ނުކުރާނަމޭ ވިދާޅުވާ ކޮންމެ ކަމެއް އެއާ ޚިލާފަށް ކުރައްވާ ބޭފުޅެއް ކަމަށާއި، ކުރިއަށް އޮތް ރިޔާސީ އިންތިޚާބުގައި ވެސް އެ މަންޒަރު ދިވެހި ރައްޔިތުންނަށް ވަރަށް ސާފުކޮށް ފެންނާނެ ކަމަށެވެ.
