2023 ސެޕްޓެމްބަރ 9 ވާ ހޮނިހިރު ދުވަހު ބޭއްވުމަށް ހަމަޖެހިފައިވާ ރިޔާސީ އިންތިޚާބުގައި، ސްރީލަންކާގައި ވޯޓުލުމަށް ރެޖިސްޓަރ ކޮށްފައިވާ ފަރާތްތަކުގެ ސަމާލުކަން ދޭންޖެހޭ ކަންތައްތަކެއް އިލެކްޝަންސް ކޮމިޝަނުން ހާމަކުރައްވައިފިއެވެ.
ވޯޓުލުން ކުރިއަށްދާނީ:
ތަން: ސްރީލަންކާގައި ހުންނަ ދިވެހިރާއްޖޭގެ ހައިކޮމިޝަން
25 މެލްބަރންއެނިއު، ކޮލަންބޯ-4، 3 ވަނަ ފަންގިފިލާ
ވޯޓުލުން ކުރިއަށްދާނީ، ހެނދުނު 8:30 އިން ހަވީރު 16:30 ނިޔަލަށެވެ.
ވޯޓުލުން ފެށިގެން ނިމެންދެން ހައިކޮމިޝަންހުންނަ މަގު މެރިން ޑްރައިވްއިން ވަދެވޭގޮތަށް އެއްކޮޅަށް ދުއްވޭ މަގެއްގެ ގޮތުގައި ޓްރެފިކް ފްލޯއަށް ބަދަލު ގެނެވިފައިވާ ކަމަށްވެސް ވިދާޅުވެއެވެ.
