8 މިނެޓުގެ ކުޑަ ވީޑިއޯކޮޅަކުން ކުޑަކުއްޖެއްގެ ހިތްދަތި ދިރިއުޅުން ދައްކުވައިދީފިއެވެ.
ސިނަމާގައި އެޅުވި ކުރު ފިލްމު ފުރަތަމަ ފެށިގެންދަނީ ކޮޓަރިއެއްގެ ސީލިންގެއް ދައްކުވައިދޭ މަންޒަރަކުންނެވެ. އެ މަންޒަރުގައި، އެއްވެސް ތަފްސީލެއް، އަދި އެއްވެސް ކުލައެއް ނެތެވެ. ފެންނަނީ ހަމައެކަނި ހުދު ސީލިންގެކެވެ.
މިހެންވުމުން، ސިނަމާއަށް ދިޔަމީހުންނަށް މަޑުން ކެއްކޮށްލައިގެން ނުތިބެވުނެވެ. އެހެންކަމުން، ދެންހުރި ސީންތައް ދެއްކީ ހަ މިނެޓަށް ކުރުކޮށްލައިގެންނެވެ. ބައެއް މީހުން އެމީހުންގެ ވަގުތު ބޭކާރުވަނީއޭ ބުނެ ހިތްހަމަނުޖެހުން ފާޅުކުރިއެވެ. އަދި އަނެއްބައިމީހުން ރުޅިގަދަވެ، ސިނަމާއިން ނިކުމެގެން ދިޔައެވެ.
ކުއްލިއަކަށް ކެމެރާގެ ލެންސު މަޑުމަޑުން ބިންމައްޗަށް ޖެހެންދެން ތެޅެންފެށިއެވެ. ދެން ފެނުނު މަންޒަރުގައި ފެނިގެންދަނީ، މައިބަދައަށް ގެއްލުން ލިބުމުގެ ސަބަބުން ހިނގައިބިނގާވެ އުޅެން ނުކުޅެދިފައިވާ ކުޑަ ކުއްޖަކު އެނދުމަތީ ތަނެއްގުޑުވާވެސް ނުލާ އޮތް ތަނެވެ.
އަނެއްކާވެސް ކެމެރާ ސީލިންގާދިމާލަށް އަބުރާލިއެވެ. ސީލިންގާދިމާލަށް އަނބުރާލަމުން ކުޑަ ބަސްކޮޅެއް އަޑު އިއްވާލިއެވެ.
" އަހަރެމެން މި ދައްކުވައިދިނީ ހަމައެކަނި އެންމެ އަށް މިނެޓުގެ ތެރޭގައި މި ކުއްޖާ ކޮންމެ ދުވަހަކުވެސް ކުރާ މަސައްކަތެވެ. އެކުއްޖާ އަބަދުވެސް އޮންނަނީ އެ ޙާލަތުގައެވެ. ތަނެއް ގުޑުވާވެސް ނުލައި އޮންނަންޖެހެނީއެވެ. އެންމެ އަށް މިނެޓުގެ ވީޑއޯއަކުން މިދައްކުވައިދިނީ މި ނުކުޅެދޭ ކުއްޖަ އޭނަ ދިރިއުޅުމުގެ ހުރިހާ ވަގުތެއްގައިވެސް ބަލަން އޮންނަ ތަނެވެ. ކަލޭމެން އެންމެން ތިޔަޝަކުވާ ތިޔަކުރަނީ! އަދި ކަލޭމެންނަށް އެންމެ މިނެޓެއްވެސް ކެއްކޮށްލައިގެން މި ކުރު ވީޑިއޯކޮޅު ބަލަން ނުތިބުވުނެންނޫން ހެއްޔެވެ؟!"
ބައެއްފަހަރު އަހަރެމެން އެހެން މީހުންގެ ބޫޓަށް އެރުމަށްފަހު އެރުމުން އެވާއުނދަގޫ އިހުސާސް ކޮށްލަން ޖެހޭނެއެވެ. އަހަރެމެންނަށް މާތް ﷲ ދެއްވާފައިވާ ރަޙުމަތާއި އެކަލާނގެ ދެއްވި އޯގާތެރިކަމުގެ މިންވަރު އަހަރެމެން އަމިއްލައަށް އަގުވަޒަން ކޮށްލަންޖެހޭނެއެވެ. އަދި އަހަރެމެންނަށް ދެއްވި ނިޢުމަތަށް ޝުކުރުވެރިވާން ޖެހޭނެއެވެ.
