ސަރުކާރު ހިންގާ ނިޒާމު ބަރުލަމާނީއަށް ބަދަލުކުރާނަމަ ޤާނޫނު އަސާސީ އަލުން އެކުލަވާލަން ޖެހޭނެ ކަމަށް އެމްޑީޕީ ކުރީގެ ރައީސް އަދި މިހާރު ޢަމަލުކުރަންދާ ޤާނޫނު އަސާސީ ޑްރާފްކުރި ކޮމިޓީގެ މުޤައްރިރު، އިބްރާހީމް އިސްމާއިލް (އިބުރާ) ވިދާޅުވެއްޖެއެވެ.
އޭނާ މިހެން ވިދާޅުވިއިރު، ރާއްޖޭގެ ވެރިކަމުގެ ނިޒާމު ބަރުލަމާނީ ނިޒާމަކަށް ބަދަލުކުރަން ރައްޔިތުންގެ ފެންނަ ނުފެންނަ ވޯޓެއް ނަގަން ގޮވާލައި ހުޅުދޫ ދާއިރާގެ މެންބަރު އިލްޔާސް ލަބީބު ހުށަހެޅުއްވި ގަރާރު، ރައްޔިތުންގެ މަޖިލީހުން ވަނީ ފާސްކޮށްފައެވެ.
މި ބިލަށް އިޝާރަތްކުރައްވައީ، އިބުރާ ވިދާޅުވީ ދައުލަތް ހިންގުމުގެ ނިޒާމް ބަރުލަމާނީ ނިޒާމަކަށް ބަދަލުކުރާނަމަ ގާނޫނު އަސާސީ ޖެހޭނީ އަލުން އެކުލަވާލަން ކަމަށާ އެއީ ހަމައެކަނި "ރައީސުލްޖުމްހޫރިއްޔާ" ގެ ބާބު "ބޮޑުވަޒީރުގެ ބާބަށް" ބަދަލުކޮށްލައިގެންވާނޭ ކަމެއް ނޫން ކަމަށެވެ.
އިބުރާ ވިދާޅުވީ ކުރަން އުޅެންވާނީ ކުރެވޭވަރުގެ ކަންތައް ކަމަށް ވިދާޅުވެ އިބުރާ ފާޑު ވިދާޅުވެފައިވާއިރު، ވެރިކަމުގެ ނިޒާމު ބަރުލަމާނީއަށް ބަދަލު ކުރަން ފެންނަ ނުފެން ވޯޓު ނެގުން އެދި ހުށަހެޅު ޤަރާރު މަޖިލީހުގެ ކޮމިޓީން ފާސްކޮށްފައިވާއިރު، އެ ގަރާރަށް ބަހުސް ކުރުމަށްފަހު ގަރާރު ފާސްވެއްޖެ ނަމަ، އެ ވޯޓު ނެގުން އަންނަ އޮކްޓޯބަރު މަހުގެ 30 ވަނަ ދުވަހު ބޭއްްވުމަށް ގަރާރުގައި ވަނީ އެދިފައެވެ.
ބަރުލަމާނީ ނިޒާމަކަށް ވެރިކަން ބަދަލު ކުރުމަކީ ޑިމޮކްރެޓްސްގެ އުއްމީދެކެވެ. މަޖިލީހުގެ ރައީސް މުހައްމަދު ނަޝީދާއި އެމަނިކުފާނަށް ތާއީދު ކުރައްވާ ގިނަ މެންބަރުން މިކަމަށް ވަރަށް ބޮަޑަށް ވަކާލާތު ކުރައްވައެވެ.
