އަންނަ ހޮނިހިރު ދުވަހު އޮންނަ ރިޔާސީ އިންތިހާބުގެ ދެވަނަ ބުރުގައި ޕީޕީއެމް ޕީއެންސީގެ ރިޔާސީ ކެންޑިޑޭޓް ޑރ. މުހައްމަދު މުއިއްޒަށް ތާއީދު ކުރުމަށް ގއ. ކޮލަމާފުށީގައި ތިބި ދަ ޑިމޮކްރެޓްސްގެ އާންމު މެމްބަރުން ނިންމައި، މުޢިއްޒަށް ތާޢީދު ހޯދުމުގެ މަސައްކަތް ފަށައިފިއެވެ.
ކޮލަމާފުށީގައި ތިބި ޑިމޮކްރެޓްސްގެ މެމްބަރުން މުއިއްޒަށް ތާއީދު ކުރަން ނިންމީ ގިނަ ބަޔަކު ބައިވެރިވެ، ރޭ ބޭއްވި ކޮލަމާފުށި ޑިމޮކްރެޓްސްގެ ބައްދަލުވުމުގައި ބައިވެރިވި މެމްބަރުންގެ އިއްތިފާގުން ކަމަށް މަޢުލޫމާތު ލިބެއެވެ.
މިހާރު އެ ރަށުގެ ޑިމޮކްރެޓުން ޕީޕީއެމް ޕީއެންސީ ކެމްޕެއިން ޓީމުތަކާ އެކުގައި މަސައްކަތް ފަށައިފައިވާ ކަމަށް މަޢުލޫމާތު ލިބެއެވެ.
ރޭގައި އޮތް ކުޑަ ރަސްމިއްޔާތެއްގައި ކޮލަމާފުށީގެ ޒުވާނުންތަކެއް ވަނީ ޕީޕީއެމަށް ސޮއިކުރަން ނިންމައިފައިވާ ކަމާއި، އެ ޒުވާނުންގެ އިތުރުން ކޮލަމާފުށީގެ އަންހެނުންގެ ކޮމެޓީގެ ނައިބް ރައީސާ ނީނާ އިސްމާއިލް ވެސް ވަނީ ޕީޕީއެމަށް ސޮއި ކުރައްވާފައިވާ ކަމަށް ޚަބަރު ލިބެއެވ
ކޮލަމާފުށީގައި ތިބި ޑިމޮކްރެޓްސް އިން މުއިއްޒަށް ތާއީދު ކުރަން ނިންމި އިރު، ގއ. މާމެންދޫގައި ހަރަކާތްތެރިވާ ޑިމޮކްރެޓްސް އަށް ތާއީދުކުރާ ފަރާތްތަކުންނާއި، ބައެއް ރަށްރަށުގެ އެމްޑީޕީއަށް ނިސްބަތްވާ ކައުންސިލަރުން އަންނަނީ ރިޔާސީ އިންތިހާބުގެ ދެވަނަ ބުރުގައި މުއިއްޒަށް ތާއީދު ކުރަން ނިންމާފައިވެއެެވެ.
