ދިވެހިރާއްޖޭގެ ޤައުމީ ޔުނިވަރސިޓީގެ ދަސްވެނިވުން އަންނަ އޮކްޓޯބަރު މަހުގެ 12 ވަނަ ދުވަހު ބޭއްވުމަށް ނިންމައިފިއެވެ.
އެ ޔުނިވާސިޓީއިން ހާމަކުރައްވާ ގޮތުގައި، ޔުނިވަރސިޓީގެ މިފަހަރު ދަސްވެނިވުން ބޭއްވުންމަށް ހަމަޖެހިފައިވަނީ އެއް ސެޝަންއަށް، ދަރުބާރުގޭގެ ރަންނަބަނޑޭރި މާލަމްގައެވެ.
މި ފަހަރު 700 އަށްވުރެ ގިނަ ދަރިވަރުން ދަސްވެނިވެއެވެ. އަދި ރަސްމިއްޔާތުގައި 300 އަށްވުރެ ގިނަ ދަރިވަރުން ބައިވެރިވާނެ ކަމަށްވެސް މަޢުލޫމާތު ލިބެއެވެ.
އޮކްޓޯބަރ 2023 ދަސްވެނިވުމުގެ ރަސްމިއްޔާތުގައި ބައިވެރިވާ ފެކަލްޓީތަކުގެ ތެރޭގައި، ސްކޫލް އޮފް ނަރސިންގ، ފެކަލްޓީ އޮފް ހެލްތު ސައިންސަސް، ފެކަލްޓީ އޮފް އެޑިއުކޭޝަން، ފެކަލްޓީ އޮފް ޝަރީއާ އެންޑް ލޯ، ފެކަލްޓީ އޮފް އަރޓްސް، ފެކަލްޓީ އޮފް ހޮސްޕިޓަލިޓީ އެންޑް ޓޫރިޒަމް ސްޓަޑީޒް، ފެކަލްޓީ އޮފް އެންޖިނިއަރިންގ، ސައިންސް އެންޑް ޓެކްނޮލޮޖީ، އެމް.އެން.ޔޫ. ބިޒްނަސް ސްކޫލް ހިމެނެއެވެ.
އެމްއެންޔޫއިން މި އަހަރުގެ މޭ މަހު ބޭއްވި ދަސްވެނިވުމުގެ ރަސްމިއްޔާތުގައި 400 އަށް ވުރެ ގިނަ ދަރިވަރުން ވަނީ ބައިވެރިވެފައެވެ.
