ހުވާކުރުމަަށްފަހު އެންމެފުރަތަމަ ދާނެ ޤައުމެއް އަދި ނުނިންމާ ކަމަށާއި، ހުވާކުރުމާއެކީގައި އެންމެފުރަތަމަ ދާނެ ޤައުމެއް ކުރިއަަށް އޮތް ދުވަސްތަކުގައި ނިންމާނެ ކަމަށް އިންތިޚާބީ ރައީސް ޑރ. މުޙައްމަދު މުޢިއްޒު ވިދާޅުވެއްޖެއެވެ.
އެމަނިކުފާނު މިހެން ވިދާޅުވީ، މިހާރު ސަންގު ޓީވީގައި ކުރިއަށްދާ ޚާއްޞަ ޕްރޮގްރާމެއްގައި ވާހަކަ ދައްކަވަމުންނެވެ.
އިންތިޚާބީ ރައީސް ވިދާޅުވީ ހުވާކުރުމަަށްފަހު އެންމެފުރަތަމަ ދާނެ ޤައުމެއް އަދި ނުނިންމާ ކަމަށާއި، އަދި ހުވާކުރުމާއެކީގައި އެންމެފުރަތަމަ ދާނެ ޤައުމެއް ކުރިއަަށް އޮތް ދުވަސްތަކުގައި ނިންމާނެެ ކަމަށެވެ.
މިރޭގެ ޕްރޮގްރާމްގައި މުޢިއްޒު އިތުރަށް ވިދާޅުވީ، އިންތިޤާލީ މަރުޙަލާގައި 2 ކަމެއް އެބަހިނގާ ކަމަށާއި އެއީ އިންތިޤާލީ ކޮމިޓީތަކުން އޮފީސްތަކަށްގޮސް މަޢުލޫމާތު އެއްކުރުމާއި އަދި 100 ދުވަހުގެ ޕްލޭން ހެދުމުގެ މަސައްކަތް ކަމަށެވެ.
"100 ދުވަހުގެ ފުލް ޕްލޭން އަޅުގަނޑުމެން ނިންމާނީ މި މަރުޙަލާގެ ތެރޭގަ.ނިންމާފަ ގަސްދުކުރަނީ ކުރިއަށް ގެންދާނެ ކަންކަން 17 ނޮވެމްބަރުގެ ކުރިން ރައްޔިތުންނަށް ވީހާވެސް ރަނގަޅަށް އޮޅުންފިލުވައިދޭން." އިންތިޚާބީ ރައީސް ޑރ.މުޢިއްޒު ވިދާޅުވިއެވެ.
އިންތިޤާލީ މަރުޙަލާގައި ރައީސް އޮފީސް އަދި ސިވިލްސާރވިސް ކޮމިޝަނުން އެއްބާރުލުން ލިބޭކަން ފާހަގަކުރައްވަމުން އިންތިޚާބީ ރައީސް ވިދާޅުވީ، އެހެންނަމަވެސް ބައެއް އޮފީސްތަކުން ނުކުރަން ދަންނަވާފައިވާ ބައެއް ކަންކަން ކުރަމުންގެންދާކަމަށާއި، ވަޒީފާތަކަށް މީހުން ނެގުމާއި ވަޒީފާގެ ޕްރޮމޯޝަންވެސް އެބަދެއްވާ ކަމަށެވެ.
