ބ.ފުޅަދޫ ކައުންސިލްގެ ރައީސް އަލީ އަޒުހަރު އެމްޑީޕީ ދޫކުރައްވައި ޕީއެންސީއަށް ސޮއި ކުރައްވައިފިއެވެ.
އަޒުހަރު ވިދާޅުވެފައިވަނީ ޕީއެންސީ އާއެކު ދާއިރާ އާއި ރައްޔިތުންގެ ހައްގުގައި މަސައްކަތް ކުރެއްވޭނެ ކަމަށް ޤަބޫލު ކުރެއްވޭތީކަމަށާއި، އަދި އިންތިޚާބީ ރައީސް ޑރ.މުހައްމަދު މުއިއްޒުގެ ސަރުކާރެއްގައި މާ ގިނަ އަދި މާ ބޮޑެތި ތަރައްގީގެ މަޝްރޫއުތައް ކުރިއަށް ގެންދާނެ ކަމަށް އުންމީދު ކުރައްވާ ކަމަށްވެސް އަޒުހަރު ވިދާޅުވެފައިވެއެވެ.
ސެޕްޓެމްބަރު މަހުގައި ބޭއްވި ރިޔާސީ އިންތިޚާބުގެ ކެމްޕެއިންގެ ތެރެއިން ރާއްޖޭގެ ގިނަ ރައްތަކަށް ވަޑައިގެން ޑރ. މުއިއްޒު ވެވަޑައިގެން އެއް ވައުދަކީ ކައުންސިލަތަށް ހާއްސަ މިނިސްޓްރީއެއް އުފައްދަވާނެ ކަމަށާއި، ކައުންސިލް މިނިސްޓްރީއާއެކު ކައުންސިލްތަކަށް ރަނގަޅު މިންވަރެއްގެ ފަންޑުތަކުގެ ފުރުސަތުތައް ކަނޑައެޅިގެން ދާނެ ކަމަށެވެ.
