މައްޗަންގޯޅި ރެޑްވޭވް ޕްލާޒާ ކައިރީގައި ހުރި ހޮޓަލެއްގައި އަލިފާނުގައި ހާދިސާއެއް ހިނގައިފިއެވެ. މިހާރު އެ އަލިފާންގަނޑު ވަނީ ކޮންޓްރޯލްކޮށްފައެވެ.
މި ހާދިސާ ހިނގައިގެން އެމް.އެން.ޑީ.އެފްއަށް ރިޕޯޓްކޮށްފައިވަނީ މިއަދު މެންދުރުކުރި 11:40 ހާއިރެވެ. ޙާދިސާ ހިނގިތާ ކުޑަވަގުތުކޮޅެއްގެ ތެރޭގައި އެ ސަރަޙައްދުގައި ފުލުހުންނާއި ސިފައިން ވަނީ ހަރަކާތްތެރިވެފައި ކަމަށާއި، އަދި ކުޑަ ވަގުތުކޮޅެއްގެ ތެރޭގައި އަލިފާންގަނޑު ކޮންޓްރޯލްކޮށް ވަނީ ނިންވާލާފައެވެ.
މަޢުލޫމާތު ލިބިފައިވާ ގޮތުގައި، މި ޙާދިސާގައި އަލިފާން ރޯވެފައިވަނީ އެ ހޮޓަލުގެ ސީލިންގުގައި ކަމަށެވެ. މި ޙާދިސާގައި އެއްވެސް މީހަކަށް ގެއްލުވިކަމުގެ މަޢުލޫމާތު ލިބިފައެއްނުވެއެވެ.
މި ޙާދިސާ ހިނގަން މެދުވެރިވި ސީދާ ސަބަބެއް މިހާތަނަށް އެނގިފައެއް ނުވެއެވެ.
