ޕީޕީއެމް ޕީއެންސީގެ ވެރިކަން ވެގެން ދާނީ އިސްލާމްދީނާއި ދިވެހި ޤައުމިއްޔަތަށް އިސްކަންދޭ ވެރިކަމަކަށް ކަމަށް އިންތިޚާބީ ރައީސް ޑރ. މުހައްމަދު މުއިއްޒު ވިދާޅުވެއްޖެއެވެ.
ރާއްޖެ އިސްލާމްވި ދުވަހުގެ މުނާސަބަތުގައި އިންތިހާބީ ރައީސް ރައީސް ނެރުއްވި ބަޔާނުގައި، ރާއްޖެ އިސްލާމްވީތާ 897 އަހަރު ފުރޭ މުނާސަބުގައި ތަހުނިޔާ އާއި މުބާރަކްބާދު ދިވެހި ރައްޔިތުންނަށް އަރިސްކުރާކަމަށާއި، އިސްލާމްދީނުގެ މަތިވެރި އަޤީދާއާއި ތެދުމަގުގައި ދިވެހި އުންމަތް ތާއަބަދަށް ލެހެއްޓުވުން އެދި ދުޢާ ދަންނަވާކަމަށް ވިދާޅުވެފައިވެއެވެ.
އިސްލާމްދީން މަތީ ދިވެހިން ފައިތިލަ ސާބިތުކުރިތާ ހިޖުރީގޮތުން 9 ގަރުނު ފުރިހަމަވާން ބާކީ އޮތީ ތިން އަހަރުކަމަށް ވާއިރު، މި ޤައުމަށް އެންމެ ހެޔޮ ބަދަލެއް ގެނުވި ތާރީހީ ހާދިސާއަކީ ރާއްޖޭ އިސްލާމްވުން ކަމަށާއި، ދިވެހީންގެ މިނިވަންކަމާއި، ރިވެތި އާދަކާދައާއި، މުއްސަނދި ސަގާފަތާ އެއްބައިވަންތަކަމުގެ ޙަޤީޤީ ނާރެހަކީ ވެސް މާތްވެގެންވާ އިސްލާމްދީން ކަމަށް އެ ބަޔާނުގައި ފާހަގަކުރައްވާފައިވެއެވެ.
އަދި ވޭދުވެދިޔަ ދިގު މާޒީގައި ސައްތައިން ސައްތަ މުސްލިމް ޤައުމެއްގެ ގޮތުގައި މި ޤައުމު ދެމިތިބި ކަމީ މުޅި ދުނިޔެއަށް ނަމޫނާއެއް ކަމަށް ބަޔާނުގައިވެއެވެ.
ހަމައެހެންމ، މިއަދު ދުނިޔޭގައި ފިކުރީ ގޮތުންނާއި އިޤްތިޞާދީގޮތުންނާއި އިސްތިރާތިޖީ ގޮތުން ވެސް ތަފާތު އެކި ގޮންޖެހުންތައް ކުރިމަތީގައި ހުރި ކަމަށާއި އެ އިން ކޮންމެ ގޮންޖެހުމަކާ ވެސް ދިވެހި ޤައުމު އިސްކޮށްގެން ދިވެހީގެ މަސްލަހަތު ކުރިއަށް ނެރެގެން ކުރިމަތިލުމަކީ ރައްޔިތުން އެދޭގޮތް ކަމަށްވެސް އެ ބަޔާނުގައި ވެއެވެ.
"އިދާރަކުރެއްވިއްޔާ 17 ނިވެމްބަރު 2023 ގައި ގާއިމުވާ ޕީޕީއެމް-ޕީއެންސީ އަދި ގުޅިފައިވާ ޕާޓީތައް ބައިވެރިވާ ސަރުކާރުވާނީ އިސްލާދީމާ ދިވެހީންގެ ގައުމިއްޔަތަށް އެންމެ އިސްކަންދޭ ވެރިކަމަކަށް. މި ގައުމުގެ އިސްތިގްލާލާ ފުހުރުވެރިކަން ނަގަހައްޓައިދޭ ސަރުކާރަކަށް. ދިވެހީން ރީތި އުޅުމާއި ގޮތްފޮތް ދަމަހައްޓައި ދިވެހިންގެ ނަމާ އަބުރު ބައިނަލްއަގްވާމީ މަސްރަހުގައި އުފުލައިދޭނެ ސަރުކާރަކަށް." ރާއްޖެ އިސްލާމްވީ ދުވަހުގެ މުނާސަބާގައި އިންތިޚާބީ ރައީސުލްޖުމްހޫރިއްޔާ ނެރުއްވާ ބަޔާނުގައިވެއެވެ.
