ފިއުލް ސަޕްލައި މޯލްޑިވްސް (އެފްއެސްއެމް) ގެ ލިޔެކިޔުންތަކެއް ކޮންކްރީޓް ގަށާ މެޝިނަކަށް އަޅައި ތިލަފުށީގައި ނައްތާލަމުން ދިޔަ މަންޒަރު ވީޑިއޯކޮށް، އެ އާންމުކުރި އެ ކުންފުނީގެ މުވައްޒަފު ވަޒީފާ އިން ސަސްޕެންޑް ކޮށްފިއެވެ.
ސޯޝަލް މީޑިއާގައި އާންމު ކޮށްފައިވާ އެ ވީޑިއޯގައި ފެންނަނީ ގިނަ އަދަދެއްގެ ލިޔުންތަކެއް ކޮންކްރީޓު މެޝިނަކަށް އަޅައި ނައްތާލާ މަންޒަރެވެ.
https://x.com/Phiraash/status/1716042895306678356?s=20
އެ މަންޒަރުތައް ވީޑިއޯ ކުރި މުވައްޒަފު ބުނެފައިވަނީ އެކަން އޭނާ ކުރީ އެއީ އެ ކުންފުނިން ހިންގާފައިވާ ކޮރަޕްޝަނާ ގުޅޭ ލިޔެކިޔުންތަކެއް ކަމަށް ތުހުމަތު ކުރެވޭތީ ކަމަށެވެ.
އެފްއެސްއެމްގެ ވަޒީފާގައި އުޅޭތާ 8 އަހަރު ވެފައިވާ އަނީސް ބުނެފައިވަނީ، ސޯޝަލް މީޑިއާގައި ވީޑިއޯ އާންމުވުމާ އެކު، އޮފީހުގެ އެޗްއާރު ޑިޕާޓްމެންޓުން އަނީސް އަށް ގުޅައި ހާޒިރުކޮށް، ގޭގައި މަޑުކުރަން އެންގި ކަމުގައެވެ. އޭނާއަށް ފޮނުވި ޗިޓުގައި އޮތީ ބަލަމުން އަންނަ މައްސަލައަކާ ގުޅިގެން ކަމަށް ނަމަވެސް، އެއީ ކޮން މައްސަލައެއް ކަން އޭނާ އަށް އަންގާފައިނުވާ ކަމަށެވެ.
މި މައްސަލައިގައި މިހާތަނަށް އެފްއެސްއެމްގެ ރަސްމީ ބަހެއް ހާމަކުރައްވާފައެއް ނުވެއެވެ.
ކިޔުންތެރިންގެ ޚިޔާލުތައް:
މި ވަގުތު ކުރާ މިފަދަ އަމަލު ފުލުހުން ފޮނުވައިގެން ތަހުގީގު ކުރާންޖެހޭ. ޜިޔާސީ ދަައުރުގެ ފަހުއަހަރު ދައުލަތުގެ އެއްވެސް ލިޔެކިޔުމެއް ނައްތާ ނުލެވޭގޮތަށް ޤާނޫނެއް އޮތުން ވަރަށް މުހިންމު.