ރޯޑް ޑިވެލޮޕްމެންޓު ކޯޕަރޭޝަނުގެ މެނޭޖިން ޑިރެކްޓަރު މޫސާ އަލިމަނިކު (މޫކޭ) އަށް މާރާމާރީ ހިންގައި، މަރުގެ އިންޒާރު ދިން މައްސަލައެއް ފުލުހުންނަށް ހުށަހަޅާފައިވާ ކަމަށް އެ އިދާރާއިން ވިދާޅުވެއްޖެއެވެ.
ފުލުހުންގެ މީޑިޔާ ގްރޫޕުގައި މިކަން ކަށަވަރުކޮށްދެއްވަމުން، ފުލުހުންގެ ފަރާތުން ވިދާޅުވެފައިވަނީ ރޯޑް ޑިވެލޮޕްމެންޓު ކޯޕަރޭޝަނުގެ މެނޭޖިން ޑިރެކްޓަރު މޫސާ އަލިމަނިކު (މޫކޭ) އަށް މާރާމާރީ ހިންގައި، މަރުގެ އިންޒާރު ދިން މައްސަލައެއް ފުލުހުންނަށް ހުށަހަޅާފައިވާ ކަމަށެވެ. އަދި އެ މައްސަލަ ތަޙްޤީޤު ކުރައްވަމުންދާކަމަށްވެސް ވިދާޅުވިއެވެ.
ރޯޑް ޑިވެލޮޕްމެންޓު ކޯޕަރޭޝަނުގެ މެނޭޖިން ޑިރެކްޓަރު މޫސާ އަލިމަނިކު (މޫކޭ) އަށް މަރުގެ އިންޒާރު ދިން ކަމަށް އޭނާ އެކްސްގައި ކުރެއްވި ޕޯސްޓެއްގައިވެސް ވަނީ ވިދާޅުވެފައެވެ.
މޫކޭ އިއްޔެ ވަނީ އޭނާއަށް އިންޒާރު ދިން ކަމަށް ބުނާ މީހެއްގެ ފޮޓޯއެއްވެސް ވަނީ ޙިއްސާކުރައްވާފައެވެ.
އޭނާ ވިދާޅުވީ، އިއްޔެ ހަވީރު ދަރިފުޅާއެކު ސައިކަލުގައި ދަނިކޮށް އޭނާއާ ދަރިފުޅާއި ދިމާލަށް އަވަގުރާނަ ގޮވާ ގަޔަށް އަތްލާ މާރާމާރީ ހިންގާފައިވާ ކަމަށެވެ. އަދި ދަރިފުޅާއި އޭނާ މަރާލާނެ ކަމުގެ އިންޒާރުވެސް ދީފައިވާ ކަަަމަށް މޫކޭ ވިދާޅުވިއެވެ.
