ރައީސް ޞާލިޙުގެ ދެކަނބަލުން މުލިއާގެއަށް ދިރިއުޅުން ބަދަލުކުރެއްވީ 2018 ވަނަ އަހަރުގެ ނޮވެމްބަރު މަހުގެ 17 ވަނަ ދުވަހު ވެރިކަމާ ހަވާލުވެވަޑައިގަތުމަށްފަހު އެ މަހުގެ 30 ވަނަ ދުވަހުއެވެ.
އެނގިފައިވާ ގޮތުގައި، ރައީސް ސޯލިހުގެ ދެކަނބަލުން ބަދަލުވެވަޑައިގަތީ ފަޒްނާގެ އާއިލީ ބޭފުޅުން ދިރިއުޅުއްވަމުން އަންނަ މ. ސަނީ އިން އަށެވެ.
ކުރީގެ ރައީސް ޔާމީންގެ ވެރިކަމުގައި އެމަނިކުފާނު ދިރިއުޅުއްވަމުން ގެންދެވީ އަމިއްލަފުޅު ގެކޮޅު ކަމަށްވާ ގ. ދޫވެހީގަ އެވެ.
ކުރީގެ ރައީސް މުހައްމަދު ނަޝީދުގެ ވެރިކަމުގައި އެމަނިކުފާނު ދިރިއުޅުއްވާފައި ވަނީ މުލިއާގޭގައެވެ.
ކުރީގެ ރައީސް މައުމޫނުގެ ވެރިކަމުގައި އެމަނިކުފާނު ދިރިއުޅުއްވާފައި ވަނީ މުލިއާގޭގައާއި ތީމުގޭގައެވެ.
ރިޔާސީ އާ ދައުރު ފެށެން ހަ ދުވަހަށް ވެފައިވާއިރު، އިންތިހާބީ ރައީސް ޑރ. މުހައްމަދު މުއިއްޒު ދިރިއުޅުއްވާނެ ގެކޮޅެއް އެމަނިކުފާނުގެ އޮފީހުން އަދި ހާމަކޮށްފައެއް ނުވެއެވެ.
