ރައްޔިތުންގެ މަޖިލީހުގެ ރައީސްގެ އިތުބާރުނެތް ކަމުގެ މައްސަލައަށް ނުފިއްލަވާ ވޯޓަށް ކުރިމަތިލައްވަން އެމްޑީޕީގެ ޗެއާޕާސަން، ފައްޔާޒު އިސްމާއީލް ރައްޔިތުންގެ މަޖިލީހުގެ ރައީސް، ރައީސް މުޙައްމަދު ނަޝީދަށް ގޮވާލައްވައިފިއެވެ.
ފައްޔާޒު އިތުރަށް ވިދާޅުވީ، މިއަދުގެ ޖަލްސާގެ ރިޔާސަތުގައި އިންނެވި މެންބަރު ހަސަން އަފީފް އަމަލުކުރައްވާފައިވަނީ، މިދިޔަ މަޖިލީހުގެ ރައީސް މަސީހް އަމަލުކުރެއްވި ގޮތަށްވުރެއްވެސް ދަށުދަރަޖައިގައި ކަމަށެވެ.
The atrocities of former speaker of Parliament Hon. Maseeh has paled into insignificance with todays shameful, cowardly act by Hon. Hassan Afeef to avoid the no confidence motion. A dark and shameful day for parliamentary democracy in Maldives. Face the vote @MohamedNasheed
— Fayyaz Ismail (@faya_i) November 12, 2023
ސުޕްރީމް ކޯޓުން މިދިޔަ ބުރާސްފަތި ދުވަހު އިއްވި ހުކުމާއެކު، މިއަދުގެ މަޖިލިސް ޖަލްސާގެ އެޖެންޑާގައި އޮތީ ނަޝީދުގެ މަގާމުން ވަކިކުރަން އެމްޑީޕީގެ 49 މެންބަރުން ސޮއިކުރައްވައި ހުށަހެޅި ޤަރާރު މަޖިލީހުގެ ތަޅުމަށް ހުށަހެޅުމެވެ.
މަޖިލީހުގެ ނައިބު ރައީސް ނެތި ވެސް ނަޝީދު މަޤާމުން ވަކިކުރުމުގެ ޤަރާރު ކުރިއަށް ގެންދެވޭނެ ކަމަށް ސުޕްރީމް ކޯޓުން ކަނޑައަޅާފައިވާއިރު، މިއަދުގެ ޖަލްސާއަށް ވެސް ނައިބު ރައީސް އީވާ ވަނީ ސަލާމް ވިދާޅުވެފައެވެ. އެހެންވެ، މިއަދުގެ ޖަލްސާގެ ރިޔާސަތު ބެލެހެއްޓެވީ ވިލިފުށީ ދާއިރާގެ ޑިމޮކްރެޓްސްގެ މެންބަރު ހަސަން އަފީފްއެވެ.
ރިޔާސަތުން މަޖިލީހުގެ މެމްބަރުންގެ އިމްތިޔާޒުތަކަށް އަރައިގެންފައިވާ ކަމަށް، މަޖިލީހުގެ އިމްތިޔާޒާއި ސުލޫކް ކޮމިޓީން ދެންމެއަކު ވަނީ ނިންމާފައެވެ. އެހެންވެ، އީވާ އާއި އަފީފް ހިމެނިވަޑައިގަންނަވާހެން ޑިމޮކްރެޓްސްގެ އެއްވެސް މެމްބަރަކަށް، ނަޝީދު ވަކިކުރުމުގެ މައްސަލަ ކުރިއަށް ގެންދާ ޖަލްސާގެ ރިޔާސަތު ނުބެލެހެއްޓޭނެ ކަމަށް ވެސް ކޮމިޓީން ވަނީ ނިންމާފައެވެ.
މި މައްސަލަ ކުރިއަށް ނުގެންގޮސް މަޖިލީހުގައި އިތުރު މަސައްކަތެއް ކުރިއަށް ގެންދިއުމަށް އެ ޕާޓީން އެއްބާރުލުން ނުލިބޭނެ ކަމަށް އަނެއްކާވެސް ވިދާޅުވެ، އިންތިހާބީ ރައީސް ޑރ. މުހައްމަދު މުއިއްޒު ހުވާކުރައްވާ ޖަލްސާގެ ރިޔާސަތު ނަޝީދު ބަލަހައްޓަވާނަމަ، އެ ޖަލްސާއަށާއި އޭގެ ފަހުން އެކުލަވާލާ ކެބިނެޓަށް ރުހުންދިނުމުގައި ވެސް އެއްބާރުލުން ނުދެއްވާނެ ކަމަށް އަސްލަމް ފާހަގަކުރެއްވިއެވެ.
