އިންތިޚާބީ ރައީސް، ޑރ. މުޙައްމަދު މުއިއްޒު ހުވާ ކުރައްވާ ޖަލްސާގައި ބައިވެރިވެވަޑައި ނުގަތުމަށް ކުރީގެ ރައީސް، ޔާމީން ޢަބްދުލްޤައްޔޫމް ނިންމަވައިފިއެވެ.
މާދަމާ ހަވީރު ޑރ. މުއިއްޒު ހުވާ ކުރައްވާ ރަސްމިއްޔާތު ބޭއްވުމަށް ނިންމަވާފައިވާއިރު، ރައްޔިތުންގެ މަޖިލީހުން ވަނީ ރައީސް ޔާމީނަށް ޖަލްސާގެ ދަޢުވަތު އަރުވާފައެވެ.
އެނގިފައިވާ ގޮތުގައި، އެމަނިކުފާނު ޖަލްސާއަށް ވަޑައިނުގަންނަވާނެއެވެ.
އެމަނިކުފާނު އެޖަލްސާއަށް ވަޑައިނުގަތުމަށް ނިންމާފައިވަނީ އެއީ ރައީސަކު ހުވާ ކުރައްވާ ޖަލްސާއަށްވެފައި، ޖިނާއީ ކުށެއް ސާބިތުވެފައިވާ މީހަކު އެކަހަލަ ޖަލްސާއެއްގައި ބައިވެރިވުމަކީ އެ ޖަލްސާގެ ކަރާމާތަށް އުނިކަން ލިބޭނެ ކަމެއް ކަމަށް ވިދާޅުވެފައިވާ ކަމަށް މަޢުލޫމާތު ލިބެއެވެ.
އަދި އެއީ ތަހުޒީބީ މުޖުތަމައުތަކުގައި ގަބޫލު ކުރާނެ ކަމެއް ނޫން ކަމަށް ވެސް ޔާމީން ވަނީ ވިދާޅުވެފައިވާ ކަމަށް މަޢުލޫމާތު ލިބެއެވެ.
އެހެންވެ، އެ ޖަލްސާއަށް ވަޑައި ނުގަނެވޭނެކަން އަންގައި، އެމަނިކުފާނު ވަނީ ރަައްޔިތުންގެ މަޖިލީހަށް ވެސް އެކަން ދަންނަވާފައެވެ.
ރިޝްވަތާއި މަނީލޯންޑަރިންގެ ކުށް ސާބިތުވެ މާފުށީ ޖަލުގައި 11 އަހަރުގެ ޖަލު ހުކުމެއް ތަންފީޒު ކުރައްވަމުން ގެންދަވަނިކޮށް ޔާމީން ގެއަށް ބަދަލު ކުރީ މިދިޔަ މަހުގެ ކުރީކޮޅެވެ. އަދި އޭގެ ދުވަސްކޮޅެއް ފަހުން، އެމަނިކުފާނު ރަށު ބަންދަށް ވަނީ ބަދަލު ކުރައްވައިފައެވެ. މިދިޔަ މަހު 28 ގައި ޔާމީނަށް ލުއިތަކެއް ދިނީ ބޭސްފަރުވާ އާއި ކަސްރަތުކޮށް އުޅުމަށެވެ.
ކިޔުންތެރިންގެ ޚިޔާލުތައް:
އެހެން ނޫނަސް މަނިކުފާނަށް ހަޖަމެއްނުވާނެ،