އައްޑޫ ސިޓީ ހިތަދޫން ސަރުކާރު ހިންގާ މައި ޕާޓީ، ޕީޕަލް ނޭޝަނަލް ކޮންގްރެސް (ޕީއެންސީ)އަށް 500 މީހުން ސޮއިކޮށްފިއެވެ.
ޕީއެންސީއަށް މީހުން ވެއްދުމަށް ކުރާ މަސައްކަތުގެ ދަށުން އެ ޕާޓީއަށް އަންނަނީ ގިނަ އަދަދެއްގެ ބަޔަކު ސޮއިކުރަމުންނެވެ.
ޕީއެންސީން ޙިއްސާކުރެއްްވި ޕޯސްޓެއްގައި ވިދާޅުވެފައިވަނީ، އައްޑޫ ސިޓީ ހިތަދޫ އުުތުރު ދާއިރާއިން ޕީއެންސީއާ ގުޅުނު 500 މެމްބަރުންގެ ފޯމް ހަވާލުކޮށްފައިވާ ކަމަަށެވެ.
އެ ފޯމްތަކާއި ހަވާލުވަޑައިގެންނެވީ ޕީއެންސީގެ ޗެއާޕާސަން އަދި ރައީސް އޮފީހުގެ ސީނިއަރ މިނިސްޓަރ އަބްދުއްރަހީމެވެ. އެ ފޯމްތައް ހަވާލު ކުރި ރަސްމިއްޔާތުގައި ނައިބް ރައީސް ހުސައިން މުޙައްމަދު ލަތީފްވެސް ބައިވެރިވެވަޑައިގެންނެވިއެވެ.
އެ ރަސްމިއްޔާތުގައި އެހެން ބައެއް ރަށްރަށުން ޕީއެންސީއަށް ސޮއިކޮށްފައިވާ ފަރާތްތަކުގެ ފޯމުވެސް ވަނީ ޙަވާލުކޮށްފައެވެ.
ޑރ. މުޙައްމަދު މުޢިއްޒު ރައީސް ކަމާ ޙަވާލުވެވަޑައިގެންނެވި ފަހުން، ޕީއެންސީއަށް ވަކި އޮފީހެއް ގާއިމުކޮށް ޕާޓީ ދަފުތަރަށް 10،000 މެންބަރުން ހަމަ ކުރުމުގެ މަސައްކަތް ވެސް ވަނީ ފަށައިފައެވެ.
އިލެކްޝަންސް ކޮމިޝަނުން އާންމުކޮށްފައިވާ ޕާޓީތަކުގެ ދަފުތަރުގައި އޮތް ގޮތުން، މިދިޔަ ފެބްރުއަރީ 21 އާ ހަމައަށް ޕީއެންސީގައި މެންބަރުންގެ ގޮތުގައި ތިބީ 3159 މެންބަރުންނެވެ.
