ކުރީގެ ނައިބު ރައީސް ޑރ. މުހައްމަދު ޖަމީލަކީ އިތުބާރު ކުރެވޭ ފަދަ ބޭފުޅެއް ނޫން ކަމަށާއި އޭނާގެ ބޮޑެތި އޮޅުވާލުންތަކެއް ޕީޕީއެމް ޕީއެންސީގެ ލީޑަޝިޕަށް ހާމަވެފައިވާ ކަމަށް ރައީސުލްޖުމްހޫރިއްޔާގެ ނައިބު ހުސައިން މުހައްމަދު ލަތީފު ވިދާޅުވެއްޖެއެވެ. އެމަނިކުފާނު މިހެން ވިދާޅުވެފައިވަނީ، "މިހާރު" އަށް ދެއްވި އިންޓަވިއުއެއްގައެވެ.
ނައިބު ރައީސް ވިދާޅުވީ، ޕީޕީއެމް ޕީއެންސީގެ ލީޑަޝިޕުން އަބަދުވެސް ރައީސް ޔާމީނަށް އިޙްތިރާމް ކުރާނެ ކަމަށާއި ނަމަވެސް، ޖަމީލާއެކު އެ ވަޑައިގަންނަވާ މިސްރާބަކީ އެ މަނިކުފާނު އެންމެ ރަނގަޅު ގޮތް ކަމަށް ޤަބޫލުފުޅު ނުކުރައްވާ ކަމަށެވެ. އެއީ ޔާމީނަށް ހެޔޮ ނޭދޭނެ ޖަމީލު ފަދަ ބޭފުޅުންގެ ނުރަނގަޅު ވިސްނުންތަކާއި ނުފޫޒުތަކުގެ ތެރެއިން ރައީސް ޔާމީން ކުރައްވާ ކަމެއް ކަމަށް ނައިބު ރައީސް ވިދާޅުވިއެވެ.
"އެއީ އެކަމުގައި އިސްކޮށް ނުކުންނަވާފައި އެ ތިއްބެވި ބޭފުޅުންނަކީ މި ރާއްޖޭގައި ސިޔާސީ މަސްރަހަށް ބަލާއިރު ރައްޔިތުންނާ ގުޅުން ހުރި ކަންކަމުގައި ވަރަށް ގޯސްކޮށް އަމަލުކޮށްފައިވާ ބޭފުޅުން." "މިހާރު" ނޫހުން ކުރި ސުވާލެއްގެ ނައިބު ރައީސް ވަނީ ޔާމީނާ އެކު މިހާރު ހުންނެވި ޖަމީލާ ގުޅޭ ގޮތުން ވަރަށް ގިނަ ތުހުމަތުތަކެއް ވެސް ކުރައްވައިފަ އެވެ.
އެ މަނިކުފާނު ވިދާޅުވި ގޮތުގައި، ޔާމީންގެ ނޯޓުތައް ކަމަށް ވިދާޅުވެ، ހަގީގަތް އޮޅޭ ފަދަ ނޯޓުތައް ޕީޕީއެމް ޕީއެންސީގެ ލީޑަޝިޕާ ހަމައަށް ޖަމީލް ގެންނަވާފައި އެބަހުރި ކަމަށާއި، ޖަމީލުގެ އެހެން ވިސްނުންތަކެއް ހުރި ކަން އަންގައިދޭ އޯޑިއޯއެއް އަޑުއިވިފައިވާ ކަމަށެވެ.
ޖަމީލްގެ އެއްވެސް އިހުލާސްތެރިކަމެއް ޔާމީނާ މެދު ނެތް ކަން ސާބިތުވެފައިވާ ކަމަށް ވެސް ނައިބު ރައީސް ވިދާޅުވެފައިވެއެވެ.
"ވަރަށް ބޮޑެތި ދޮގު ހައްދަވާފައި ހުރީ. ލީޑަޝިޕަށް ވަޑައިގެން ވަރަށް ގިނަ އިތުރުފުޅުތައް ހައްދަވާފައި ހުރިކަން އަޅުގަނޑު މި ދަންނަވަނީ ވަރަށް ސާބިތުކަމާއި ޔަގީންކަމާ އެކު، އެކަމުގެ ހެކި އަޅުގަނޑުމެންގެ އަތުގައި ހުރީމާ. ރައީސް ޔާމީން ވިދާޅުވިއޭ ކިޔާފައި ވާހަކަތައް، އަޅުގަނޑު ހުދު އޯޑިއޯއެއް ވެސް އަޑުއެހިން، އޭގައި ވެސް އިތުރުފުޅުތަކެއް ހައްދަވާފައި ހުރީ،" ނައިބު ރައީސް ވިދާޅުވިއެވެ.
އެ އޯޑިއޯގެ ތަފުސީލު ނައިބު ރައީސް ނުދެއްވި ނަމަވެސް، ވިދާޅުވީ އެ މަނިކުފާނާ އެކު އެ އޯޑިއޯ ޕީޕީއެމްގެ ދެ ނައިބު ރައީސުން ކަމަށްވާ މިހާރުގެ ފިޝަރީޒް މިނިސްޓަރު އަހުމަދު ޝިޔާމާއި ޑިފެންސް މިނިސްޓަރު ޣައްސާން މައުމޫން އަދި މަހިބަދޫ ދާއިރާގެ މެންބަރު އަހުމަދު ޠާރިގް (ޓޮމް) އާއި ކުރީގެ މެންބަރު އަދި މާލެ ސިޓީ ކައުންސިލްގެ މެމްބަރު އިބްރާހިމް ޝުޖާއު އަޑުއެއްސެވި ކަމަށެވެ.
ކުރިއަށް އޮތް ތަނުގައި އެ ކަންކަން ހާމަކުރަން ޖެހިއްޖެ ނަމަ، އެކަން ވެސް ކުރަން ޕީޕީއެމް ޕީއެންސީގެ ލީޑަޝިޕުން ތައްޔާރަށް އޮތް ކަމަށް ނައިބު ރައީސް ވިދާޅުވިއެވެ.
އެ މަނިކުފާނު ވިދާޅުވި ގޮތުގައި ޖަމީލާއި ކުރީގެ މިނިސްޓަރު މުހައްމަދު މަލީހު ޖަމާލަކީ ކޮންމެ ސަރުކާރެއް ވެސް އުފެދުމާ އެކު، އެ ސަރުކާރެއް ވައްޓާލުމަށް މަސައްކަތް ކުރައްވާ، ސިޔާސީ ތާރީހު ވަރަށް ހުތުރު ދެ ބޭފުޅުންނެވެ. އެތައް ތަރައްގީއެއް ރާއްޖެ ގެންނަވަނިކޮށް، ޔާމީންގެ ވެރިކަމާ ދެކޮޅަށް އެ މަނިކުފާނާ ދެކޮޅަށް ބޮޑެތި ތުހުމަތެއް ކުރައްވަމުން ވެސް ގެންދެވީ ހަމަ ޖަމީލު ކަން ނައިބު ރައީސް ފާހަގަކުރެއްވިއެވެ.
ހުސައިން ވިދާޅުވީ، ނައިބު ރައީސް ކަމަށް ޖަމީލުގެ އިތުބާރު ނެތް ކަމަށް އޭރު މަޖިލީހުގެ ޕީޕީއެމްގެ ހުރިހާ މެންބަރުން ގުޅިގެން ފާސްކުރީ ވެސް ޔާމީނަށްޓަކައި ކަމަށާއި އެ މަނިކުފާނުގެ ވެރިކަން ދަމަހައްޓަން ބޭނުންވާތީ ކަމަށެވެ.
ނައިބު ރައީސް ވިދާޅުވި އެވެ. ޔާމީންގެ ވެރިކަމުގައި ފަރެސްމާތޮޑާ އިން ހުސެއިން މުހައްމަދު ލަތީފް އޭރުގެ ރައީސަށް މަރުހަބާ ދަންނަވަނީ ސުޕްރީމް ކޯޓަށް އެ މައްސަލަ ހުށަހެޅުމުން ވެސް އެނގެނީ ނައިބު ރައީސް ވިދާޅުވި ގޮތުގައި، ޔާމީންގެ އިސް ވަކީލެއްގެ ގޮތުގައި ހުންނަވާ ޖަމީލު ނުކުންނެވީ ޔާމީނާ ދެކޮޅަށްކަން ކަމާއި ޖަމީލުގެ ހިތް ޔާމީނަށް ހެޔޮ ނުވާނެ ކަމެވެ. ވަކީލެއްގެ ހައިސިއްޔަތުން ޔާމީންގެ މައްސަލަތަކުގައި އަމަލުކޮށްފައިވާ ގޮތަށް ވެސް ނައިބު ރައީސް ފާޑުވިދާޅުވިއެވެ. ވިދާޅުވީ، ބައެއް ކަންކަން މުއްދަތަށް ޖަމީލު ކުރައްވާފައިނުވާ ކަމަށެވެ.
ނައިބު ރައީސް ވިދާޅުވީ، ރައީސް މުއިއްޒަކީ އަބަދުވެސް ޔާމީނަށް އިހުލާސްތެރި ބޭފުޅެއް ކަމަށާއި، ރައީސް ޑރ. މުހައްމަދު މުއިއްޒުއާ ހިލާފަށް، ޑރ. ޖަމީލަކީ ސިޔާސީ ހަޔާތުގައި ވަރަށް އެހެން ކަހަލަ ގޮތަކަށް ސިފަ ކުރެވޭ ބޭފުޅެއް ކަމަށެވެ.
ނައިބު ރައީސް ވިދާޅުވީ އެ މަނިކުފާނަށް އޮތް ޔަޤީން ކަމަކީ ޕީޕީއެމް ޕީއެންސީ އެކުގައި މަސައްކަތް ކުރާނެ ކަމާއި އާންމު މެންބަރުން މާޔޫސްވާން ޖެހޭ ފަދަ އެއްވެސް ކަމެއް ލީޑަޝިޕުން ނުކުރާނެ ކަމެވެ. ރައްޔިތުން މި ސަރުކާރަށް ހަވާލުކުރި ޒިންމާ ފުރިހަމަ ގޮތުގައި އަދާކުރުމުގައި ސާބިތުވެ ތިއްބަވާނެ ކަމަށް، މީގެ ހަފުތާއެއް ކުރިން ނައިބު ރައީސްކަމާ ހަވާލުވެވަޑައިގެންނެވި، ހުސައިން ވިދާޅުވިއެވެ.
ރައީސް ޑރ. މުހައްމަދު މުއިއްޒުގެ ސަރުކާރާއި ޕީޕީއެމް ޕީއެންސީން ޔާމީން އެކަހެރި ކުރި ކަމުގެ ޝަކުވާތަކާ އެކުގައި ޔާމީން ވަނީ ބުރާސްފަތި ދުވަހުގެ ރޭ ޕީޕީއެމުން ވަކިވެވަޑައިގެން އާ ޕާޓީއެއް އުފައްދަވަން ނިންމަވައިފައެވެ. ރައީސް ޔާމީން އިސްކޮށް ހުންނަވައި އުފައްދަވަނީ "ޕީޕަލްސް ނޭޝަނަލް ފްރޮންޓް"އެވެ. ޔާމީންގެ ފަރާތުން މިކަންކަން އިއުލާން ކުރައްވާފައި ވަނީ އެމަނިކުފާނުގެ ގާނޫނީ ވަކީލުންގެ ޓީމުގައި ހިމެނިވަޑައިގަންނަވާ ކުރީގެ ނައިބު ރައީސް މުހައްމަދު މަލީހް ޖަމާލާއި ކުރީގެ ޕީޕީއެމް ސަރުކާރުގައި ޔޫތު މިނިސްޓަރު ކަމާއި އެމްޑީޕީގެ ސަރުކާރުގައި ކޮމިއުނިކޭޝަން މިނިސްޓަރު ކަން ކުރެއްވެވި އަދި ޖަމީލަށް ބޮޑުބޭބެ ވިދާޅުވާ މުހައްމަދު މަލީހް ޖަމާލެވެ.
ކިޔުންތެރިންގެ ޚިޔާލުތައް:
މަނިކުފާނު މިހާރު ގަބޫލު ފުޅުކުރައް ވަންތޯ ރ ޔާމީނައް އިއްވާފަވާ ހުކުމަކީ ހަރާން ހުކުމެއް ކަމައް،؟