ޚާއްސަ ޕްރޮމޯޝަނާކާއެކު "އިއަރ އެންޑް ސޭލް" އޭވްއިން މިއަދު ފަށައިފިއެވެ.
"އިއަރ އެންޑް ސޭލް" ގެ ނަމުގައި އޭވް އިން ކުރިއަށް ގެންދާ ސޭލުގައި، ގުރުއަތުން ތިން ނަސީބުވެރިޔަކު ހޮވޭނެއެވެ. ކޮންމެ ނަސީބުވެރިޔަކަށް، ހަދިޔާއެއްގެ ގޮތުގައި ލެނޯވޯ ބްލޫޓޫތު ސްޕީކަރެއް ދެވޭނެއެވެ. އަދި ގަންނަ ކޮންމެ ލެޕްޓޮޕަކަށް 15 ޕަސެންޓާ ހަމައަށް މި ޕްރޮމޯޝަނުގައި ޑިސްކައުންޓް ލިބޭނެއެވެ. މި ޕްރޮމޯޝަން ކުރިއަށްދާނީ މިއަދުން ފެށިގެން 31 ޑިސެންބަރުގެ ނިޔަލަށެވެ.
މި މުއްދަތުގައި ގަންނަ ކޮންމެ ލެޕްޓޮޕަކަށް ޑިޖިޓަލް ކޫޕަނެއް ދޫކުރާނެއެވެ. ގުރުއަތު ނެގުން އޮންނާނީ 5 ޖަނަވަރީ 2024 ވަނަ ދުވަހުއެވެ.
އޭވްގެ އިލެކްޓްރޯނިކްސްގެ ވިޔަފާރި މިވަގުތު ފޯކަސް ކޮށްފައިވަނީ އޮންލައިންކޮށް ކުރިއަށް ގެންދާ ވިޔަފާރިއެއްގެ ގޮތުގައެވެ. އޭވް ގެ އޮންލައިން ފިހާރައިން އެންމެ ފަހުގެ ބްރޭންޑަޑް ލެޕްޓޮޕާއި އިލެކްޓްރޯނިކްސް ލިބެން ހުންނާނެއެވެ. އޭވް އިން އަމާޒު ހިފާފައިވަނީ ފެކްޓްރީ ބޮކްސްގައި ސީލްކޮށްފައިވާ އެކި ވައްތަރުގެ ބްރޭންޑް ނިއު، ހަމައެކަނި އޮރިޖިނަލް ލެޕްޓޮޕް ވިއްކުމަށެވެ. އޭވްގެ އޮފިޝަލް ވިދާޅުވީ، "މިސްރާބު ހުރީ ޔޫ.އެސް.އޭ އިން ސީދާ އިމްޕޯޓްކުރާ ލެޕްޓޮޕް ވިއްކުމަށް. އަދި 6 މަހުގެ ވޮރަންޓީއާއެކު ވީހާވެސް ހެޔޮ އަގެއްގައި ކަސްޓަމަރުންނަށް ލެޕްޓޮޕް ފޯރުކޮށްދިނުމަށް". އެގޮތުން، އޭވް އިން ވަނީ "އެންމެ އަގުހެޔޮ، ހަމަ އެކަނި އޮރިޖިނަލް ލެޕްޓޮޕް" ވިއްކާ ވިޔަފާރީގެ ގޮތުގައި ބްރޭންޑްކޮށްފައެވެ.
ކޮންމެ ވަގުތަކު ކޮންމެ ތަނެއްގައި ހުރެގެން އޯޑަރކުރާ ކޮންމެ ލެޕްޓޮޕެއް ފޮނުވައިދިނުމަށް އޭވް ޚާއްސަ އިސްކަމެއް ދެއެވެ. އެގޮތުން، މާލެ، ހުޅުމާލެ، ވިލިމާލެ، ވެލާނާ އެއަރޕޯޓް، ފެރީ އަދި ރަށު ބޯޓްފަހަރަށް، ގުޅާލި ކޮންމެ ވަގުތެއްގައި ލެޕްޓޮޕް ހިލޭ ޑެލިވަރކޮށް ދެމުންދާކަމަށް އޭވް އިން މައުލޫމާތު ދެއެވެ. އެގޮތުން، ރާއްޖޭގެ އެކި ކަންކޮޅުތަކުންނާއި ރިޒޯޓްތަކުން ވަރަށް ބޮޑު ތަރުޙީބެއް ލިބުންދާ ކަމަށް އެ ފިހާރައިން ބުނެއެވެ. އިތުރު މަޢުލޫމާތު ސާފުކުރެއްވުމަށް އޭވްގެ ނަންބަރު 9494248 އަށް ގުޅުއްވުމަށްވެސް އެ ފަރާތުން އެދެއެވެ.
