ޤައުމީ ވިސްނުމުގައި ކުޅިގެން ކުރާ މަސައްކަތުން ޕީޕީއެމް ޕީއެންސީއަށް ރައްޔިތުންގެ މަޖިލީހުގެ ސުޕަރ މެޖޯރިޓީ ހޯދޭނެ ކަމަށް ވެރިކަން ކުރާ މައި ޕާޓީ ޕީޕަލްސް ނޭޝަނަލް ކޮންގްރެސް (ޕީއެންސީ)ގެ ރައީސް، ރައީސް ޑރ. މުހައްމަދު މުއިއްޒު ވިދާޅުވެއްޖެއެވެ.
އެމަނިކުފާނު މިހެން ވިދާޅުވީ، ޕީއެންސީގެ އާ އޮފީސް ހުޅުވުމަށް ބޭއްވި ރަސްމިއްޔާތުގައި ވާހަކަފުޅު ދައްކަވަމުންނެވެ.
ރައީސް ޑރ. މުއިއްޒު ވިދާޅުވީ، މިރޭ އޮންނަ ސެނެޓް ބައްދަލުވުމާއި އެކު ދެން ކުރިއަށް އޮތް އިންތިހާބު ތަަކަށް ޕީޕީއެމް ޕީއެންސީ ގުޅިގެން ކުރެވޭ މަސައްކަތްތައް މުޅި ރާއްޖޭގެ އެކި ކަންކޮޅުތަކަށް ރުކުރުވާލެވިގެން ގައުމީ ޖޯޝުގައި، ގައުމީ ވިސްނުމުގައި އެކު އެކީގައި މަސައްކަތް ކުރަމުންދާނެ ކަމަށެވެ.
ގޮންޖެހުންތައް ހުރިކަމުގައިވިޔަސް ޕީޕީއެމް ޕީއެންސީއަށް ރައްޔިތުންގެ މަޖިލީހުގެ ސުޕަރ މެޖޯރިޓީ ހޯދޭނެ ކަމަށް ރައީސް މުޢިއްޒު ވިދާޅުވިއެވެ.
"ކުރިއަށް އޮތް ރައްޔިތުންގެ މަޖިލީހުގެ އިންތިހާބުގައި އަޅުގަނޑުމެން، އެންމެން ޕީޕީއެމް ޕީއެންސީ ގުޅިގެން ކުރިއަށް އޮތް މަޖިލީސް އިންތިހާބުގައި މަޖިލީހުގެ ސުޕަރ މެޖޯރިޓިއާ ހަމައަށް އިރާދަކުރެއްވިއްޔާ، ކާމިޔާބު ކުރުން،"،
ގޮންޖެހުންތައް މިހާރުވެސް ހުންނާނެ ކަމަށާއި، ގޮންޖެހުންތައް އެބަ ހުރި ކަަމަށާއި، ގޮޮންޖެހުންތަކަކީ ލިބޭނެ ކުރިއެރުމަށް ލިބޭނެ ހިތްވަރަކަށް ވާން ވާނެ ކަމަށް ރައީސް ވިދާޅުވިއެވެ.
"މިކަމުގައި މަސައްކަތް ކުރެއްވި ލީޑާޝިޕް ހުރިހާ ބޭފުޅުންނަށް އަދި އެހެނިހެން ހުރިހާ ބޭފުޅުންނަށްވެސް އަދި، މިކަން މަގުފަހިކޮށްދިނުމަށް މަސައްކަތްކޮށްދެއްވި ހުރިހާ ބޭފުުންނަށްވެސް ޝުކުރު ދަންނަވަން.". ޖާގަ ތަނަވަސް އޮފީހެއް ލިބިގެން ދިއުމަކީ ލިބުނު ވަރަށް ބޮޑު ކުރިއެެރުމެއް ކަމަށް ފާހަގަކުރައްވަމުން ވިދާޅުވިއެވެ.
