އިސްކަންދަރު ސްކޫލުގެ ޕްރިންސިޕަލްގެ މަގާމުގައި ހުންނެވި ހުސައިން ސައީދު، އެޑިއުކޭޝަން މިނިސްޓްރީގެ ސްޓޭޓް މިނިސްޓަރަކަށް މިއަދު އައްޔަންކޮށްފިއެވެ.
އޭނާ އެ މަޤާމަށް ޢައްޔަން ކުރެއްވި ފަތްކޮޅު އެރުވީ، ރައީސް އޮފީހުގައި ބޭއްވި ރަސްމިއްޔާތުގައި، ރައީސް ޑރ. މުހައްމަދު މުއިއްޒެވެ.
ޓީޗިން އިން ފުރަތަމަ ޑިގްރީ އަދި އެޑިއުކޭޝަން މެނޭޖްމަންޓް އިން މާސްޓާސް ހާސިލްކުރައްވާފައިވާ، ތަޖުރިބާކާރު އެއް ޕްރިންސިޕަލް ސައީދު ވަނީ ތައުލީމީ ދާއިރާގައި 25 އަހަރު ހޭދަކުރައްވައި، އައްޑޫ އަތޮޅާއި އއ. އަދި މާލެ އަތޮޅުގެ އަތޮޅު ވެރިކަން ވެސް ކުރައްވާފައެވެ.
އިސްކަންދަރު ސްކޫލުގެ ޕްރިންސިޕަލެއްގެ ގޮތުގައި ހުންނަވައިގެން އެ ސްކޫލް ހިންގާތާ މިހާރު 13 އަހަރުވެއްޖެއެވެ. ހުޅުމާލޭގައި އެންމެ ފުރަތަމަ ހުޅުވި ސްކޫލު، ގާޒީ ސްކޫލުގެ ޕްރިންސިޕަލަކީ ވެސް ސައީދެވެ. އޭގެ ފަހުން، އައްޑޫ ފޭދޫ ސްކޫލާއި ރަސްދޫ ސްކޫލުގެ ޕްރިންސިޕަލްކަން ކުރެއްވިއެވެ.
ސައީދު އެމަޤާމަށް ޢައްޔަންކުރުމާއެކު، އެޑިއުކޭޝަން މިނިސްޓްރީގައި، ސްޓޭޓް މިނިސްޓަރުންގެ ގޮތުގައި ހަތަރު ބޭފުޅުން އެބަތިއްބެވެ.
ކިޔުންތެރިންގެ ޚިޔާލުތައް:
ލާދީނީ މީހެއް.
އެމް.ޑީ.އެން ގެ ތަޢުލީމީ ސިޔާސަތު ތަންފީޒް ކުރާ ޓީމްގެ ބައިވެރިއެއް.
މުސްޠަފާ ލުޠުފީ އާއި، އިބްރާމެން ފަދަ ސެކިޔުލަރ ނިޒާމަށް ވާގިދޭ މީހެއް.