ކުރީގެ ރައީސް ޔާމީން މިނިވަން ކުރުމަށް މަގުތަކަށް ނުނިކުމެ ތިބީ މިހާރުގެ ސަރުކާރުން އެކަން ނުކުރަން ބުނެގެން ކަަމަށާއި ނުކުންނަން ޖެހިއްޖެ ނަމަ އެކަމަށް ތައްޔާރު ކަމަށް ޕީއެންއެފް އުފެއްދުމުގައި އިސްކޮށް ޙަރަކާތްތެރިވެވަޑައިގަންނަވާ، ރައީސް ޞާލިޙް ސަރުކާރުގެ ޓެކްނޮލޮޖީ މިނިސްޓަރ މަލީހް ޖަމާލް ވިދާޅުވެއްޖެއެވެ.
ޕީއެންއެފުން ރޭ ބޭއްވި ޖަލްސާގައި، މަލީހު ވިދާޅުވީ ރައީސް ޔާމީނަށް މި ސަރުކާރުން އެއްވެސް ދުލެއް ނުދޭ ކަމަށާއި ރައީސް މުޢިއްޒުއާއެކު ތިބީ މަޤާމުތަކުގައި ތިބީ ޕީޕީއެމްގެ ބޭފުޅުން ކަމަށެވެ. ސަރުކާރުން ޔާމީނަށް ދުލެއް ނުދެވިގެން އުޅެނީ ކީއްވެތޯ ސުވާލު އުފައްދަވަމުން، ފެހި ޤާނޫނު އަސާސީގެ ދަށުން އުފެދުނު ކޮންމެ ސަރުކާރެއްވެސް ވައްޓާލަން މަސައްކަތް ކުރަމުންދާ މަލީހް ޖަމާލް ވިދާޅުވީ، ރައީސް ޔާމީނަކީ އެ ވިދާޅުވާ ކަހަަލަ މުޖުރިމެއް ނޫން ކަމަށާއި، އަދި މުޖުތަމައަށް ހުރި ބިރެއްވެސް ނޫން ކަމަށެވެ.
"އެހެން ހުރިހާ ބޭފުޅުންނަށް މިނިވަންކަމުގައި. ސިންގަޕޫރުގައި އައިސްކްރީމް ބޮނީ، ފައިވް ސްޓާ ހޮޓަލުގައި. ހަމަ އެކަނި ރައީސް ޔާމީން ޖަލުގައި ހުންނަވަން ޖެހޭ ސަބަބެއް ނެތޭ، ވަގުތުން މިނިވަން ކުރާށޭ، ތިޔަ ބޭފުޅުން ވިދާޅުވެގެންނޭ އަަޅުގަނޑުމެން ގެއަށް ވަދެ މިތިބީ. ނިކުންނަން ޖެހިއްޖެއްޔާ މިހާރު ވެސް ނިކުންނާނަމޭ، މަގުމައްޗަށް ވެސް ނުކުންނަން ޖެހިއްޖެއްޔާ ނިކުންނާނަމޭ. ޖުމްހޫރީ މައިދާނަށް ވެސް ދާން ޖެހިއްޖެއްޔާ ދާނަމޭ،" މަލީހް ވިދާޅުވިއެވެ.
ރައީސް މުއިއްޒުގެ ސަރުކާރު އުފެދުމާއެކު ޕީޕީއެމް ޕީއެންސީގެ ލީޑަޝިޕާ ހިޔާލު ތަފާތުވެ، ޔާމީން ވަނީ އެ ދެ ޕާޓީ ދޫކުރައްވައިފައެެވެ. ދަރިކަލުން ޒެއިންގެ މަސްއޫލުވެރިކަމުގައި ޕީއެންއެފްގެ ނަމުގައި އާ ޕާޓީއެއް އުފައްދަވަން މަސައްކަތް ފެއްޓެވީ އެހިސާބުންނެވެ.
ކިޔުންތެރިންގެ ޚިޔާލުތައް:
ހެހެ. މިނިސްޓަރުކަން ނުލިބުނީމާ ހަމަ މޮޔަ ވަނީ.