ރައީސުލްޖުމްހޫރިއްޔާ މަގާމުން ވަކިކުރަން ފަސޭހަވާ ގޮތަށް ރައްޔިތުންގެ މަޖިލީހުގެ ގަވާއިދުގެ 202 ވަނަ މާއްދާއާއި 203 ވަނަ މާއްދާ އިސްލާހުކުރަން އާންމު ކޮމިޓީން ނިންމި ގޮތަށް އިސްލާހަކާ އެކު، މަޖިލީހުގެ ގަވާއިދު ފާސްކުރަން މިއަދު ވަނީ ފާސްވެފައެވެ.
އެ އިސްލާހު ފާސްކުރަން ވޯޓަށް އެހުމުން ވޯޓުގެ ބައިވެރިވެވަޑައިގެން 55 މެންބަރުންގެ ތެރެއިން 44 މެންބަރުން ވަނީ އިސްލާހު ފާސްކުރަން ވޯޓުދެއްވައިފައެވެ. އިސްލާހާ ދެކޮޅަށް ވޯޓުދެއްވީ 10 މެންބަރުންނެވެ.
ރައީސް އާއި ނައިބު ރައީސް މަގާމުން ވަކިކުރަން ބޭނުންވާ ނަމަ، ގާނޫނުއަސާސީގައިވާ ގޮތުން މަޖިލީހުގެ މެންބަރުންގެ 2/3 ވޯޓު ބޭނުންވެއެވެ. މިހާރު އަމަލު ކުރަމުން އަންނަ އުސޫލުން މަޖިލީހުގެ ޖުމްލަ އަދަދަކީ 87 މެމްބަރުން ކަމަށް ބަލައި 2/3އަކީ 58 މެންބަރުންނެެވެ.
އެކަމަކު އެމްޑީޕީއިން ހުށަހަޅުއްވައި، ފާސްކޮށްފައިވާ އިސްލާހުގައިވާ ގޮތުން މެންބަރުންގެ އަދަދަކަށް ވާނީ އެއިރެއްގައި މަޖިލީހުގައި ދެމިތިބި މެންބަރުންގެ އަދަދެވެ. އެގޮތުން:
-
އާ ސަރުކާރުގެ ކެބިނެޓާއި ބައެއް އިސް މަގާމުތަކާ ހަވާލުވާން ޕީޕީއެމް-ޕީއެންސީ އާއި އެމްއެންޕީގެ ހަތް މެންބަރަކު އިސްތިއުފާ ދެއްވުމުން މިހާރު މަޖިލީހުގައި ތިއްބެވި މެންބަރުންގެ އަދަދަކީ 80؛ އެހެންކަމުން ޝިފާއުގެ އިސްލާހު ތަޅުމުން ފާސްވެއްޖެ ނަމަ، މަޖިލީހުގެ ތިން ބައިކުޅަ ދެ ބަޔަކަށް ވާނީ 54 މެންބަރުންގެ ވޯޓު
-
ރައީސް އާއި ނައިބު ރައީސް މަގާމުން ވަކިކުރުމާއި އެ ނޫން ވެސް ކަންކަމުގައި ނަގާ ވޯޓުތަކުގައި ޖުމްލަ އަދަދު 80 އިން ގުނުމުން، އެމްޑީޕީގެ 55 މެންބަރުންގެ ވޯޓާ އެކު ފަސޭހައިން ފާސްވުމުގެ ފުރުސަތު އޮންނާނެ
އެމްޑީޕީގެ މެމްބަރުންގެ ވޯޓުން އެކަނި ރައީސް އާއި ނައިބު ރައީސް ވަކިކުރެވޭ ގޮތަށް ހުށަހެޅި އިސްލާހު މިއަދުގެ މަޖިލީހުގެ ޖަލްސާގައި ވަނީ ފާސްކޮށްފައެވެ. އެ އިސްލާހު ފާސްވި އިރު، ރައީސް މުހައްމަދު މުއިއްޒު މަގާމުން ވަކިކުރުމަށް ގަރާރު ރައްޔިތުންގެ މަޖިލީހަށް ހުށަހެޅުމަށްޓަކައި އެމްޑީޕީގެ ޕާލިމަންޓްރީ ގްރޫޕަށް ހުށަހަޅުއްވާނެ ކަމަށް ޝިފާއު ވަނީ ވިދާޅުވެފަ އެވެ.
ރައީސް އާއި ނައިބު ރައީސް މަގާމުން ވަކިކުރުމަށް ގާނޫނުއަސާސީގައިވާ ގޮތުން، މަޖިލީހުގެ ޖުމްލަ އަދަދުގެ ތިން ބައިކުޅަ ދެ ބައި މެމްބަރުންގެ ވޯޓު ބޭނުންވެެ އެވެ. މީގެ ކުރިން އަމަލު ކުރަމުން އަންނަ އުސޫލަށް ބަލާއިރު، މަޖިލީހުގެ ޖުމްލަ އަދަދަކީ، މި ހިނގާ 19 ވަނަ މަޖިލީހުގެ ޖުމްލަ ގޮނޑީގެ އަދަދު ކަމަށްވާ 87 އަށް ބަލައި ތިން ބައިކުޅަ ދެ ބަޔަކީ 58 ވޯޓު ކަމަށް ބަލައިގެންނެވެ.
ކިޔުންތެރިންގެ ޚިޔާލުތައް:
މި މަޖިލިސް މެމްބަުން މިއުޅެނީ ހާދަ އައްޗިކޮށްދޯ؟ހަޖަމް ވިޔަސް ނުވިޔަސް ވެރިކަމުގަ މިހާރު ހުރީ މުއިއްޒު.ސޯލިހުއެއް ނުން.
ވެރިކަމާހެދި މޮޔަަވެ ވަޖިދުވެ ގުއިކަނީ އުޅޭގޮތެއް
މިހާރ ރައްޔިތ މީހާގެހައްގު ކޮބާ ރައްޔިތުން ހޮވީމަ މަޖިލިސް މެންބަރުންނަް ވަކިކުރެވިގެން ނުވާނެ
ތިއުޅެނީ އެމެރިކާ އުޅޭ ބައްތްރަށް
އަމިއްލަ އެދުން ބޮޑުވިޔަސް ހައްދެއ އޮންނަންވާަނެެ