ރާއްޖެއިން ބޭރުގައި ކިޔަވާ ދަރިވަރުންނަށް ޑެބިޓް އަދި ކްރެޑިޓް ކާޑު ބޭނުންކޮށްގެން ޑޮލަރު ނެގޭ ލިމިޓް މަތިކުުރުމަށް ވަޒީރުގެ މަޖިލީހުގެ ލަފާގެ މަތިން ރައީސުލްޖުމްހޫރިއްޔާ ޑރ. މުޙައްމަދު މުއިއްޒު ނިންމަވައިފިއެވެ.
މިކަން ހާމަކުރައްވައި، ރައީސް އޮފީހުގައި ބޭއްވި ނޫސްވެރިންގެ ބައްދަލުވުމުގައި ވާހަހަކަދައްކަވަމުން ރައީސުލްޖުމްހޫރިއްޔާގެ އޮފީހުގެ ޕްރިންސިޕަލް ސެކްރެޓެރީ ޓު ދަ ޕްރެޒިޑެންޓް އޮން ޕަބްލިކް ޕޮލިސީ ޢަބްދުﷲ ނާޡިމް އިބްރާހީމް ވިދާޅުވީ، ފެބުރުއަރީމަހުގެ 1 ވަނަ ދުވަހުން ފެށިގެން ބީއެމްއެލްގެ ޑެބިޑް އަދި ކްރެޑިޓް ކާޑުގެ ޑޮލަރު ނެގޭ ލިމިޓް 1200 އާ ހަމައަށް އިތުރުކުރުމަށް ރައީސް ނިންމަވާފައިވާކަމަށެވެ.
މިހާރު އޮންނަގޮތުން ރާއްޖެއިން ބޭރުގައި ކިޔަވާ ދަރިވަރުންނަށް މަހެއްގެ މައްޗަށް ނެގެނީ 750 ޑޮލަރެވެ.
މި ގޮތަށް ކަނޑައެޅުއްވުމާ ގުޅިގެން، މުއައްސަސާތަކުން ކުރަންޖެހޭ ހުރިހާ މަސައްކަތްތަކެއް ކުރައްވަމުން ގެންދަވާނެ ކަމަށާއި، އެމްއެމްއޭއާއި ފިނޭންސް މިނިސްޓްރީއާއި އަދި ބީއެމްއެލްއިން އެމަސައްކަތް ކުރައްވަމުން ގެންދަވާނެ ކަމަށް ރައީސް އޮފީހުން ވަނީ ވިދާޅުވެފައެވެ.
