އާބަންކޯއިން ވިދާޅުވީ، ފޮގް ކުރުމުގެ މަސައްކަތް ކުރިއަށް ދާނީ ކޮންމެ ދުވަހަކަށް ކަނޑައެޅިފައިވާ ވަކި ސަރަހައްދެއްގައިކަމަށެވެ.
އެގޮތުން ހުޅުމާލެ ފޮގް ކުރުމަށް ވަނީ 20 ސަރަހައްދަކަށް ބަހާލާފައެވެ. ކޮންމެ ދުވަހަކު ފަތިހު5:00 – 6:00 އަށް، އަދި އިރު އޮއްސި 6:00 – 7:00 އަށް ފޮގް ކުރުން ކުރިއަށް ގެންދިއުމަށް ވަނީ ހަމަޖެހިފައެވެ.
އެހެންކަމުން، ފޮގް ކުރުން ކުރިއަށް ދާ ވަގުތުތަކުގައި މަގުމަތީގައި އުޅޭ ފަރާތްތަކުން މިކަމަށް ސަމާލުވެލެއްވުން އެދޭ ކަަމަށް އާބަންކޯ އިން ވިދާޅުވެއެވެ.
ފައިލޭރިއާއިން ރައްކާތެރި ވުމަށް އަރބަންކޯއިން އިސްނަގައިގެން ކުރިއަށްގެންދާ #ފައިލޭރިއާއިންރައްކާ ކެމްޕެއިންގެ ދަށުން ހުޅުމާލެ 20 ޒޯނަކަށް ބަހައިގެން ފޮގް ކުރުމުގެ މަސައްކަތް މިއަދުން ފެށިގެން ކުރިއަށްގެންދަން ވަނީ ހަމަޖެހިފައި. އެހެންކަމުން ޒަރޫރީ ބޭނުމެއްގައި ނޫނީ މިވަގުތު… pic.twitter.com/TRpPxpjaAf
— Urbanco (@hdcmaldives) December 26, 2023
ހުޅުމާލެއިން މަދިރި މަދުކުރުމަށް މީގެ ކުރިން ވެސް އާބަންކޯއިން އިސްނަގައިގެން ތަފާތު ހަރަކާތްތައް ކުރިއަށް ގެންގޮސްފައި ވެއެވެ. މިގޮތުން އެކި ސަރަހައްދު ފޮގް ކުރުމާއި، މަދިރިއާލާވާ ފަދަ ތަންތަން ނައްތާލުމަށް މަސައްކަތް ކުރުން ހިމެނެއެވެ.
ހަމައެހެންމެ، ފައިލޭރިޔާ ފެތުރުން ހުއްޓުވުމަށް އާބަންކޯއިން ހާއްސަ އިސްކަމެއް ދީގެން އަންނަނީ ގިނަ މަސައްކަތްތަކެއް ކުރަމުންނެވެ. މިގޮތުން ހުޅުމާލޭގައި ދިރިއުޅޭ ފަރާތްތައް ސްކްރީން ކުރުން އެޗްޕީއޭ އާ ގުޅިގެން ވަނީ މިމަހުގެ ތެރޭގައި ފަށާފައެވެ.
