ރައްޔިތުންގެ މަޖިލީހުގައި އެމްޑީޕީ މެމްބަރުންތަކެއް އެ ޕާޓީން ވަކިވުމަކީ އެމްޑީޕިއަށް ފިލާވަޅެއް ކަމަށް ޝެއިހް އަލީ ޒައީދު ވިދާޅުވެއްޖެއެވެ.
ޝައިޚް ޒައިދު މިފަދައިން ވިދާޅުވެފައިވަނީ އެމްޑީޕީގެ މަޖިލިސް ބައެއް މެމްބަރުން ރޭގެ ވަގުތެއްގައި އެމްޑީޕީން ވަކިވެ، ވެރިކަން ކުރާ މައިޕާޓީ، ޕީއެންސީއަށް ސޮއި ކުރުމާއި ގުޅިގެން އެކްސްގައި ކުރެއްވި ޕޯސްޓެއްގައެވެ.
ޒައިދު ވިދާޅުވީ، މަގުބޫލު އުޒުރެއް ނެތި، ޖެއްސުމަށް ރައީސް މުއިއްޒުގެ އިތުބާރު ނެތް ކަމުގެ ވޯޓު ނަގަން އުޅުމަކީ އެމްޑީޕީން އެޅި ފިޔަވަޅެއް ކަމަށާއި މިއަދު ފެނިގެން ދިޔައީ އެކަމުގެ ނަތީޖާ ކަމަށެވެ.
"މިއީ އެމްޑީޕީއަށް ފިލާވަޅެއް" ޒައިދު ކުރެއްވި ޕޯސްޓުގައި ވިދާޅުވިއެވެ.
ޒައިދު ވިދާޅުވީ، ނުހައްގުން މީހަކަށް ގެއްލުމެއް ދޭން މަސައްކަތް ކޮށްފިނަމަ އަބަދު ވެސް އޭގެ ހިތި ނަތީޖާއާއި ކުރިމަތިލާން ޖެހިދާނެ ކަމަށެވެ.
Mee MDP ah huri filaavalheh!
Maqbool uzureh nethi, jessumah RJ ge Ithubaaru neh kamuge vote nagan ulhumakee MDP in fahathah elhi fiyavalheh! Eyge reaction mifenuny e party therein!
Abadhuves visnavaa! Nuhaggun meehakah gellumeh dheyn masahkai kohfinama, eyge consequences thakaa…
— Ali Zaid (@alizaid1000) December 28, 2023
ޕީއެންސީއަށް ރޭ އެމްޑީޕީގެ 13 މެމްބަރަކު ގުޅިވަޑައިގެންފައިވެއެވެ. މި މެމްބަރުން ޕީއެންސީއަށް ސޮއި ކުރައްވާފައިވާއިރު، އެމްޑީޕީން އަންނަނީ އެމެމްބަރުން ޕީއެންސީއަށް ގޮސްފައިވަނީ އެޕާޓީން ރިޝްވަތު ހުށަހަޅައިގެން ކަމަށް ބުނަމުންނެވެ.
ގުޅުންހުރި:
