މާލެއަށް މިހާރު ކުރަމުންދާ ވިއްސާރައިގައި ފެންބޮޑުވުމާ ގުޅިގެން ސްޓެލްކޯގެ ހެޑް އޮފީސް ހުންނަ ސަރަހައްދުގެ ބައެއް ގެތަކާއި ފިހާރަތަކުގެ އިތުރުން މިސްކިތްތަކަށް ފެން ވަނުން ހުއްޓުވުމަށްޓަކައި ސްޓެލްކޯއިން އެހީތެރިކަން ފޯރުކޮށްދީފިއެވެ.
ސްޓެލްކޯއިން އެކްސްގައި ކުރި ޕޯސްޓެއްގައި ވަނީ އެތަންތަނަށް ފެންވަނުން ހުއްޓުވުމަށްޓަކައި ވެލިބަސްތާ ޖެހުމުގެ މަސައްކަތުގައި އެ ކުންފުނީގެ މުވައްޒަފުން އެހީތެރިކަން ފޯރުކޮށްދީފައިވާ ކަމަށެވެ.
ހަމައެހެންމެ، ޕަމްޕުތަކުގެ އެހީއާއެކު އެ ކުންފުނީގެ އިންޖީނުގެތަކުގެ ޑީ ވޯޓަރިން ނިޒާމް ބޭނުންކޮށްގެން އަމީނީ މަގުން ފެން ހިންދުމުގެ މަސައްކަތް ވެސް ކުރަމުން އަންނަ ކަމަށް ސްޓެލްކޯއިން ވިދާޅުވެއެވެ.
މާލެއަށް ކުރަމުންދާ ވިއްސާރައިގައި ފެން ބޮޑުވުމާއި ގުޅިގެން، މިކުންފުނީގެ ހެޑް އޮފީސް ހުންނަ ސަރަހައްދުގެ ބައެއް ގެތަކާއި، ފިހާރަތަކުގެ އިތުރުން، މިސްކިތްތަކަށް ފެންވަނުން ހުއްޓުވުމަށްޓަކައި، މިކުންފުނީގެ މުވައްޒަފުން ވަނީ ވެލިބަސްތާ ޖެހުމަށް އެހީތެރިކަން ފޯރުކޮށްދީފައި. އަދި… pic.twitter.com/ZzkjoYdkPu
— STELCO (@STELCOMALDIVES) January 12, 2024
ރައްޔިތުންނަށް ދިމާވެފައިވާ ދަތިތަކަށް ވީހާވެސް އަވަހަަކަށް ހައްލު ގެނައުމަކީ އެންމެ އިސްކަންދެއްވާ ކަންތައް ކަމުގައި ސްޓެލްކޯގެ މެނޭޖިން ޑިރެކްޓަރު ހުސައިން ފަހުމީ ވަނީ ވިދާޅުވެފައިވާއިރު، ސްޓެލްކޯއިން ގެންދަވަނީ އާންމުންނަށް ދިމާވާ މިފަދަ ހިތާމަވެރި ދަނޑިވަޅުތަކުގައި އެހީތެރިކަން ފޯރުކޮށްދެއްވަމުންނެވެ.
