ރައީސް ޑރ. މުޢިއްޒު ރާއްޖެ ތަރައްޤީ ކުރައްވާނެ ކަމަށާއި، ޗައިނާ ދަތުރުފުޅުން ރައްޔިތުންގެ އުންމީދު އައުވެއްޖެ ކަމަށް ފޭދޫ ދާއިރާގެ މެންބަރު މުޙައްމަދު ނިހާދު ވިދާޅުވެއްޖެއެވެ.
ނިހާދު އެކްސްގައި ކުރެއްވި ޕޯސްޓެއްގައި ވިދާޅުވީ، ރައީސް ޑރ. މުޢިއްޒު ރާއްޖެ ތަރައްޤީ ކުރައްވާނެ ކަމަށާއި، ޗައިނާ ދަތުރުފުޅުން ރައްޔިތުންގެ އުންމީދު އައުވެއްޖެ ކަމަށެވެ.
ރައީސް ޑރ @MMuizzu ރާއްޖެ ތަރައްޤީ ކުރައްވާނެ! ޗައިނާ ދަތުރުފުޅުން ރައްޔިތުންގެ އުންމީދު އައުވެއްޖެ.
🇲🇻🤝🇨🇳 pic.twitter.com/QkpLs9TnSA— Feydhoo Meehaa (Mohamed Nihad) (@nihad_m) January 11, 2024
އޭނާއަކީ ރައްޔިތުންގެ މީހެއް ކަމަށާއި، ވެރިކަން ކުރާ މައި ޕާޓީ، ޕީއެންސީއާ ގުޅިވަޑައިގަތީ ރައްޔިތުންނަށް ހިދުމަތް ކުރެއްވުމުގައި ދެމިހުންނެވުމަށް ކަމަށް އެމްޑީޕީގެ މެންބަރެއްގެ ގޮތުގައި ހުންނެވުމަށްފަހު ދާދި ފަހުން، ވެރިކަން ކުރާ މައި ޕާޓީ، ޕީއެންސީއަށް ބަދަލުވެވަޑައިގަތުމަށްފަހު ވިދާޅުވެފައިވެއެވެ.
އޭނާއަކީ ކުރީގެ ރައީސް އިބްރާހީމް މުހައްމަދު ޞާލިޙްގެ ސަރުކާރު ދިފާއު ކުރެއްވުމުގައި ގިނަ މަސައްކަތްތަކެއް ކުރެއްވި މެމްބަރެކެވެ.
