ހީކުރި ވަރަށްވުރެ ރައީސުލްޖުމްހުރިއްޔާ ޑރ މުޙައްމަދު މުއިއްޒު ކުޅަދާނަކަމަށް މަރަދޫ ދާއިރާގެ މެންބަރު އިބްރާހީމް ޝަރީފް ވިދާޅުވެއްޖެއެވެ.
ރާއްޖެއަށް ދިމާވެފައި ހުރި ގޮންޖެހުންތައް ގިނަކަމަށް ފާހަގަކޮށް ޝަރީފް ވިދާޅުވީ މިފަދަ އުނދަގޫ ދަތި ދަނޑިވަޅުތަކުގައި ބޭނުންވަނީ ވިސްނުންތެރިކަމާއި، ހުރުމަތްތެރިކަމާއިއެކު ހަލުވި ސްޕީޑުގައި ކަންކަން ކުރާނެ ލީޑަރެއްކަމަށެވެ.
Heekurevunu varah @MMuizzu kulhadhaana.Decision nangavaaleh haluvi vefa avas.Raajjeah kurimathi vefa huri gonjehun ginaguna.Mifadha undhagoo dhathi dhadivalhu thakuga visnun theri kamaa hikumaitheri kamaa eku haluvi speed ga kankan leaderakah gaumu beynun vanee
— Ibrahim Shareef (@AdduShareef) January 15, 2024
އެމްޑީޕީއާއި، ރައީސް އިބްރާހިމް މުހައްމަދު ޞާލިހުގެ ދިފާއުގައި މިދިޔަ ފަސް އަހަރުގެ ތެރޭގައި އެންމެ ބޮޑަށް މަސައްކަތް ކުރެއްވި އެއް ބޭފުޅަކީ ޝަރީފެވެ. އަދި ރައީސް މުހައްމަދު ނަޝީދާއި، ރައީސް ޞަލިހު ދެމެދު ސިޔާސީ ގޮތުން ހިޔާލުތަފާތުވުން އުފެދުމަށް ފަހު އައި ކޯޅުންތަކުގެ ތެރޭގައި ޝަރީފަކީ އެންމެ ފާޅުކަން ބޮޑު ގޮތަކަށް މިހާރުގެ ޑިމޮކްރެޓްސްގެ މެމްބަރުންނާއި ދެކޮޅަށް މަސައްކަތް ކުރެއްވި މެމްބަރެވެ.
ޕީއެންސީއާއި ގުޅިވަޑައިގެން ދެއްކެވި ވާހަކައިގައި ޝަރީފް ވިދާޅުވީ އެމްޑީޕީއިން ވަކިވީ ޤައުމީ މަސްލަހަތު އިސްކުރުމަށް ބޭނުންވާތީކަމަށެވެ.
