ގަތަރުގައި މިހާރު ކުރިއަށްދާ އޭޝިއަން ކަޕް ނޮކްއައުޓް ބުރަށް ފަލަސްތީނުގެ ޤައުމީ ފިރިހެން ފުޓްބޯޅަ ޓީމު ދަތުރުކޮށްފިއެވެ.
މި މުބާރާތުގައި ފަލަސްތީނުގެ ޤައުމީ ޓީމަށް އޭޝިއަން ކަޕްގެ ނޮކްއައުޓް ބުރު ކަށަވަރުވީ، އަންގާރަ ދުވަހު ހޮންކޮންގާ ދެކޮޅަށް ކުޅުނު މެޗުން މޮޅުވެގެންނެވެ.
ހޮންކޮންގާ ދެކޮޅަށް ކުޅުނު މެޗުން، ފަލަސްތީނު ޓީމުން ކާމިޔާބުކުރީ 3-0 ގެ ނަތީޖާއަކުންނެވެ.
މިއީ، އޭޝިއަން ކަޕްގެ ނޮކްއައުޓް ބުރަށް ނުވަތަ މުބާރާތުގެ ގަދަ 16 އަށް ފަލަސްތީނު ޓީމު، ތާރީޚުގައިވެސް ދަތުރުކުރި ފުރަތަމަ ފަހަރުކަން ފާހަގަކުރެވެއެވެ.
