އެތައް އާދޭހެއް ކުރިފަހުން، ބީއެމްއެލް އިސްލާމިކްގެ އޭޓީއެމް ސެންޓަރެއް ހުޅުމާލެ ފޭސް 2ގައި ހުޅުވައިފިއެވެ.
ވިނަރެސް ޓަވަރ 8ގައި ހުޅުވި މި އޭޓީއެމް ސެންޓަރު މެދުވެރިކޮށް ފަސޭހަކަމާއެކު އަމިއްލަ ފަރުދުންނާއި ވިޔަފާރިތަކަށް 24 ގަޑިއިރު ފައިސާ ނެގުމުގެ އިތުރުން ފައިސާ ޖަމާކުރުމާއި، ޓްރާންސްފަރ ކުރުމުގެ ހިދުމަތް ލިބިގެންދާނެއެވެ.
މުޅި ރާއްޖެ ހިމެނޭ ބޭންކިންގ ވިއުގަޔަކާއެކު 20 އަތޮޅުގައި 38 ބްރާންޗް، 83 ސެލްފްސަރވިސް ބޭންކިންގ ސެންޓަރ، 138 އޭޓީއެމް، 200 އަށްވުރެ ގިނަ ކޭޝް އޭޖެންޓުންގެ އިތުރުން އެންމެ ޒަމާނީ އޮންލައިން ބޭންކިންގ ހިދުމަތެއް ބީއެމްއެލުން ދަނީ ފޯރުކޮށްދެމުންނެވެ.
ރާއްޖޭގެ ގިނަ ރައްޔިތުން ޚިދުމަތް ހޯދާ ބީއެމްއެލްއިން މިކަމުގައި ވަރަށް ބޮޑަށް އިހްމާލުވެ، ރައްޔިތުންގެ އެތައް ޝަކުވާއެެއް ބަންޑުންކޮށްލިފަހުން ހުޅުމާލޭ ފޭސް 2 ގައި މީހުން ދިރިއުޅެމުންދާތާ ދެ އަހަރަށްވުރެވެސް ގިނަ ދުވަސްވީ ފަހުން އޭޓީމް ސެންޓަރެއް ހުޅުވީ ކަން ފާހަގަކުރަމެވެ.
