އިސްރާއީލުން ފަލަސްތީނުގައި ހިންގަމުން ގެންދަނީ ގަތުލުއާންމެއް ކަމާއި އެއީ ހަނގުރާމައިގެ ޖަރީމާތަކެއް ކަމަށް ބުނެ ދެކުނު އެފްރިކާއިން އިންޓަނޭޝަނަލް ކޯޓު އޮފް ޖަސްޓިސް (އައިސީޖޭ) އަށް ހުށަހެޅި މައްސަލާގައި އެ ކޯޓުން ނިންމި ނިންމުންތަކަށް ތަބާވާން ފޮރިން މިނިސްޓަރު މޫސާ ޒަމީރު ގޮވާލައްވައިފިއެވެ.
ކޯޓުގެ އަމުރަށް މަރުހަބާ ވިދާޅުވެ، ޒަމީރު ރޭ އެކްސްގައި ކުރެއްވި ޕޯސްޓެއްގައި ވިދާޅުވީ ކޯޓުގެ ނިންމުމުން ބައިނަލްއަޤްވާމީ ގާނޫނުގެ ބާރު ފެނިގެން ގޮސްފައިވާ ކަމަށެވެ.
ހަމައެހެންމެ، އިޒްރޭލުން ޣައްޒާއަށް ދެމުންދާ ހަމަލާތައް ވަގުތުން ހުއްޓާލުމަށް ރާއްޖޭން ގޮވާލާ ގޮވާލުން މިނިސްޓަރ ޒަމީރު ތަކުރާރުކުރައްވިއެވެ. ކޯޓުގެ އަމުރު ނިސްބަތްވާ ހުރިހާ ފަރާތްތަކުން މި އަމުރަށް ފުރިހަމައަށް ތަބާވާނެ ކަމަށް އުއްމީދުކުރައްވާނެކަމަށް މިނިސްޓަރު ވިދާޅުވެފައިވެއެވެ.
#Maldives welcomes the order by the @CIJ_ICJ on the request by South Africa to deliver preliminary measure citing that Israel is in breach of the Genocide Convention.
This ruling demonstrates the power of international law. We hope that all parties involved in this ruling abide…
— Moosa Zameer (@MoosaZameer) January 26, 2024
އައިސީޖޭގެ އަމުރަށް ތާއީދުކޮށް ރައީސް ޑރ. މުހައްމަދު މުޢިއްޒުވެސް ވަނީ ކޯޓުގެ ހުކުމަށް މަރުހަބާ ދަންނަވާފައެވެ. ރޭ އެކްސްގައި ކުރެއްވި ޕޯސްޓެއްގައި ރައީސް ވިދާޅުވީ އައިސީޖޭއިން ނެރުނު ވަގުތީ އަމުރަށް ދިވެހިރާއްޖެއިން މަރުހަބާ ކިޔާ ކަމަށާއި، ޚާއްޞަކޮށް ޣައްޒާގައި ޤަތުލުއާންމު ހިންގުމަށް ހިތްވަރުދިނުން ހުއްޓުވުމަށާއި، އެކަންކުރާ މީހުންނަށް އަދަބު ދިނުމަށް ގޮވާލާފައިވާތީ އެކަމަށް ރާއްޖެއިން މަރުހަބާ ކިޔާކަމަށެވެ.
