އަސްކަރީ ދާއިރާއިން އެހީތެރިކަން ފޯރުކޮށްދިނުމާއި ގުޅޭ އެއްބަސްވުމެއްގައި ރާއްޖެއާއި ޗައިނާއިން ސޮއިކޮށްފިއެވެ.
ދިފާއީ ވުޒާރާގައި ބޭއްވި ރަސްމިއްޔާތެއްގައި މި އެއްބަސްވުމުގައި ދިވެހި ސަރުކާރުގެ ފަރާތުން ސޮއިކުރެއްވީ ދިފާއީ ވަޒީރު މުހައްމަދު ޣައްޞާން މައުމޫންއެވެ. ޗައިނާ ސަރުކާރުގެ ފަރާތުން މި އެއްބަސްވުމުގައި ސޮއިކުރެއްވީ އޮފީސް ފޮރ އިންޓަރނޭޝަނަލް މިލިޓަރީ ކޯޕަރޭޝަންގެ ޑެޕިއުޓި ޑިރެކްޓަރ، މޭޖަރ ޖެނަރަލް ޖަންގ ބައުހުއާންއެވެ.
Minister of Defence @mgmaumoon and Major General Zhang Baoqun, Deputy Director of the Office for International Military Cooperation of the People's Republic of China, signed an agreement on China's provision of military assistance gratis to the Republic of Maldives, fostering… pic.twitter.com/OeaAe2QZr9
— Ministry of Defence (@MoDmv) March 4, 2024
ޗައިނާއާއެކު ސޮއިކުރެވުނު މި އެއްބަސްވުމުގެ ދަށުން ދެ ޤައުމުގެ ދެމެދުގައި އަސްކަރީ ދާއިރާއިން ގުޅުންތައް ބަދަހިވެގެންދާނެކަމަށް ދިފާއީ ވުޒާރާއިން ވިދާޅުވެއެވެ.
އެއްބަސްވުމުގައި ސޮއިކުރެއްވުމުގެ އިތުރުން، މޭޖަރ ޖެނަރަލް ޖަންގ ވަނީ ޑިފެންސް މިނިސްޓަރ ޣައްޞާން މައުމޫން އަރިހަށް ޒިޔާރަތްކުރައްވައި މަޝްވަރާތަކެއްވެސް ބާއްވަވާފައެވެ. މި މަޝްވަރާތަކުގައި ދިފާއީ ގުޅުންތައް އިތުރަށް ބަދަހިކުރުމާއި ގުޅޭގޮތުން ވަނީ މަޝްވަރާކުރައްވާފައިކަމަށް ދިފާއީ ވުޒާރާއިން ވިދާޅުވެއެވެ.
Minister of Defence @mgmaumoon today met with Major General Zhang Baoqun, Deputy Director of the Office for International Military Cooperation of the People's Republic of China, to discuss enhancing defense cooperation between the Republic of Maldives and China. pic.twitter.com/BuXdGFaZEA
— Ministry of Defence (@MoDmv) March 4, 2024
މި ބައްދަލުކުރެއްވުމުގައި ދިވެހި އަސްކަރިއްޔާގެ އިސްވެރިންނާއި ޗައިނާގެ އަސްކަރިއްޔާގެ އޮފިސަރުންނާއި އެ ޤައުމުން ރާއްޖެއަށް ކަނޑައަޅުއްވާފައި ހުންނަވާ ސަފީރުވެސް ބައިވެރިވެވަޑައިގެންނެވިއެވެ.
