ސަޤާފީ ކުޅިވަރުތަކާއެކު މިފަހަރު ކުޑަޢީދު މާލޭގައި ފާހަގަކުރުމަށް ބިދަބިން ބޮޑުބެރު ގްރޫޕުން ނިންމައިފިއެވެ.
ކުޑަޢީދުގެ މިހަރަކާތްތައް ކުރިއަށްދާނީ "ސިޓީ ކަންމަތި ޢީދު އުފާ"ގެ ނަމުގައެވެ. މިއީ ބިދަބިންގްއާއި ސިޓީ ސްޕޯޓްސް އެންޑް ރެކްރިއޭޝަން ގުޅިގެން ކުރިއަށްގެންދާ ސަޤާފީ ހަރަކާތްތަކެކެވެ.
ދިވެހިންގެ މުއްސަނދި ތާރީޚާއި ސަޤާފަތް މި ފަހަރު ކުޑަޢީދުގައި ބާއްވާ ހަރަކާތުން ފެނިގެންދާނެ ކަމަށް މަޢުލޫމާތު ލިބެއެވެ.
ވަރަށް ތަފާތު ކުޅިވަރުތަކާ އެކު ސަޤާފީ ކުޅިވަރުތައް ވެސް ހިމެނިގެންދާ މިދާ ޙަރާކާތުގައި ވީހާވެސް ގިނަ ރައްޔިތުންނަށް މި ހަރާތްތަތައް ދައްކާލުމަކީ އެންމެ ބޮޑު ބޭނުން ކަމަށާއި، އެގޮތުން މާލޭގެ އެކި ސަރަޙައްދުތަކުގައި މަޑުކޮށްގެން ސަޤާފީ ކުޅިވަރުތައް ކުޅޭނެ ކަމަށް މިކަން އިންތިޒާމުކުރާ ފަރާތުން ބުނެއެވެ.
މި ހަރަކާތް ކުރިއަށްދާނީ ސަބުދެލި މަގާއި އިއްޒުއްދީންމަގު ސަރަޙައްދުގެ ޒުވާނުންތަކެއްގެ މެދުގައި މަޝްވަރާކުރެވިގެން އުފައްދާފައިވާ ސިޓީ ކަންމަތި ސްޕޯޓްސް އެންޑް ރެކްރިއޭޝަން ކްލަބާ ރާއްޖޭގައި ސަޤާފީ ކުޅިވަރުކުޅޭ ބޮޑުބެރު ގްރޫޕް ބިދަބިންގް ބޮޑުބެރު ގްރޫޕާއި ގުޅިގެންގެނެވެ.
ކުޑަޢީދު ދިވެހި ސަޤާފީ ހަރަކާތްތަކާއެކު މާލޭގައި ބާއްވާއިރު މިކަމަށް ސަރުކާރުން އަދި ސިޓީ ކައުންސިލާ ފުލުހުންގެ އެހީތެރިކަން ބޭނުންވާނެކަމަށް އެޖަމްޢިއްޔާއިން ބުނެއެވެ. އަދި މިހާރުވެސް ސިޓީ ކައުންސިލުން މިކަމަށް ފުރިހަމަ އެއްބާރުލުން ލިބެމުންދާކަން އެޖަމްޢިއްޔާއިން ފާހަގަކުރެއެވެ.
