ބޭނުންވާ ތަކެތި:
- 6 ރޮށި (ކުދިކޮށް ކޮށާފައި/ގޮދަންބާ ނަމަ 2)
- 1 ކުޑަ ބޯތަށި ކުކުޅު ރިހަ
- ½ ކުޑަ ބޯތަށި ކެރެޓް (ދިގު އެތި އެތި ކޮޅަށް ކޮށާފައި)
- ½ ކުޑަ ބޯތަށި ލީކްސް (ތނިކޮށް ކޮށާފައި)
- ¼ ކުޑަ ބޯތަށި ޓޮމާޓޯ (ކުދިކޮށް ކޮށާފައި) ނުވަތަ ކުޑަ ޓޮމާޓޯއެއް
- 1 ނުވަތަ 2 ރޯމިރުސް (ތުނިކޮށް ކޮށާފައި)
- 1 ސައި ސަމުސާ ޗަސްކޮށްފައި ހުރި ލޮނުމެދު
- 1 ސައި ސަމުސާ ޗަސްކޮށްފައި ހުރި އިގުރު
- 2 މޭޒުމަތީ ސަމުސާ ފިޔާ (ކުދިކޮށް ކޮށާފައި)
- 1 ކުކުޅުބިސް
- ލޮނު ހެޔޮވަރުމިނަށް
- 1 މޭޒުމަތީ ސަމުސާ ތެޔޮ
ތައްޔާރުކުރައްވާނެ ގޮތް:
- ތަވައަކަށް ތެޔޮ އަޅުއްވާ ހޫނުވެލުމުން ލޮނުމެދާއި އިގުރު އަޅުއްވާ ކުޑަކޮށް ރަތްވެލަން ފެށުމުން ލީކްސްގެ ހުދުބައި ނަމަ އަޅުއްވާ ކުޑަކޮށް ފްރައިކޮށްލައްވާ.
- ކުކުޅު ރިހައިގައި ހުރި ކުކުޅުކޮޅު އަޅުއްވާ ބޮޑެތިކޮށް ހުރިނަމަ ކޮއްޓަވައި ލައްވާ އަޅުއްވާ ކުޑަކޮށް ކުކުޅުކޮޅު ރަތްވެލަންދެން އެއްކުރައްވާ.
- ތަވާގައި ހުރި ތަކެތި ތަވާގެ ކައިރިއަކަށް ޖައްސަވާލައްވާ ތަވާގެ މެދަށްވާނެހެން ބިސް އަޅުއްވާ ކުޑައިރުކޮޅަކު ފްރައިވެލުމުން ސްކްރެމްބަލް އެގް ހައްދަވާގޮތައް އެތި އެތި ކޮޅު ހުންނަގޮތައްވުމުން ތަވާގައި ހުރި އެހެން އެއްޗެއްސާ އެއްކޮށް މިކްސްކޮށްލައްވާ.
- އަނެއްކާވެސް ކުރިން ހެއްދެވިހެން ތަވާގެ އެއްކައިރިއަށް އެއްކުރެއްވި މިކްސްކޮޅުޖައްސަވާލައްވާ ފިޔާއާއި ރޯމިރުސްކޮޅުއަޅުއްވާ ކުޑަކޮށް ފަރައިވުމުން ތަވާގައިހުރި އެހެން މިކްސްއާއި އެއްކޮށްލައްވާ.
- ތަވާގައި ހުރި މިކްސް ތަވާގެ އެއްކައިރިއަށް ޖައްސަވާލައްވާ ކެރެޓް ކޮޅުއަޅުއްވާ މާމަޑު ނުވާވަރަށް ފްރައިވުމުން ތަވާގައި ހުރި މިކްސްއާއި އެއްކޮށްލައްވާ ޓޮމާޓޯކޮޅު އަޅުއްވާ، ލޮނު ހެޔޮވަރުކޮށްލައްވާ.
- މި މިކްސް ގެ ތެރެއަށް ކޮށްޓަވާފައިހުރި ރޮށި އަދި ލީކްސް ގެ ފެހިފަތްކޮޅު ހުރި ނަމަ އަޅުއްވާ ރަނގަޅަށް އެއްކުރައްވާ، އެއްކުރައްވާއިރު ހިކިނަމަ ބޭނުންފުޅުވާވަރަށް ރިހަ އަޅުއްވާ މަޑުގިނީގައި އެއްކޮށްލެއްވުމަށްފަހު އުނދުން ނިއްވާލައްވާ.
ނޯޓް: ރޯމިރުހުގެ ބަދަލުގައި ގިތެޔޮމިރުސް، ޓޮމާޓޯ ޕޭސްޓް އަދީ ކުޑަ އަސޭމިރުސްކޮޅެއްވެސް ބޭނުންކުރެއްވިދާނެ.
ޑާވިން 7/24 ރެސްޓޯރަންޓް ހުޅުވީ 2022 ގައެވެ. އެތަނުގެ އަމާޒަކީ އެންމެންނަށް ވެސް ހަމަހަމަކޮށް، ފެންވަރު ރަނގަޅު ޚިދުމަތްތަކެއް ފޯރުކޮށްދިނުމެވެ. އަދި ނުކުޅެދުންތެރިކަން ހުންނަ މީހުންނަށް ޚާއްސަ ކެއުންތަކާ ވަދެނިކުމަށް ފަސޭހަވާނެގޮތަށް ފަރުމާކުރެވިފައިވާ ތަނެކެވެ.
ޑާވިން 7/24 ރެސްޓޯރަންޓްއިން ދިވެހި ކެއުންތަކުގެ އިތުރުން އިންޑިއާއާއި ބޭރުގެ އެހެން ގައުމުތަކުގެ ރަހަތައް ވެސް ތަޖުރިބާ ކުރެވޭނެއެވެ. ޑާވިން 7/24 ރެސްޓޯރަންޓް ހުންނަނީ ހުޅުމާލެ ފުރަތަމަ ފިޔަވަހީގެ ބީޗު ފަޅީގައި، ފަތާ ޓްރެކް ކައިރީގައެވެ. އެއީ ހިރުނދު މަގާއި ނިރޮޅު މަގުގެ 14 ވަނަ ގޯޅި ގުޅޭ ކަންމައްޗެވެ.
ޑާވިން އަށް ގުޅޭނެ ފޯނު ނަންބަރަކީ 7370066 އެވެ.
