ރައީސުލްޖުމްހޫރިއްޔާ ޑރ. މުހައްމަދު މުއިއްޒު، މޯލްޑިވްސްގެ ކަސްޓަމްސް ސާވިސްގެ ޑެޕިއުޓީ ކޮމިޝަނަރަކަށް، އިބްރާހިމް މަފާޒް އައްޔަންކުރައްވައިފިއެވެ.
މަފާޒް މި މަގާމަށް އައްޔަން ކުރިކަން ހާމަކޮށް ކަސްޓަމްސްއިން ކުރި ޓްވީޓެއްގައި ބުނެފައި ވަނީ މަފާޒްއަކީ އެ އިދާރާ އަށް މިދިޔަ 27 އަހަރު ދުވަހު ހިދުމަތް ކޮށްދެއްވާފައިވާ ބޭފުޅެއް ކަމަށެވެ.
We are delighted to announce that H.E. President Dr. Mohamed Muizzu has appointed Mr. Ibrahim Mafaaz as the Deputy Commissioner of Customs.
Mr. Mafaaz holds a Master Degree in Customs Administration from the Canberra University, Australia. pic.twitter.com/NI3v5Rm9LK
— Maldives Customs Service (@CustomsMv) March 26, 2024
އޭނާ ވަނީ އޮސްޓްރޭލިއާގެ ކެންބެރާ ޔުނިވާސިޓީން ކަސްޓަމް އެޑްމިނިސްޓްރޭޝަންގެ ދާއިރާއިން މާސްޓާސް ޑިގްރީ ހާސިލްކޮށްފައެވެ. އަދި އޭނާއަކީ މި ސަރުކާރުން ކަސްޓަމްސް އަށް އައްޔަންކުރި ހަތަރު ވަނަ ޑެޕިއުޓީ ކޮމިޝަނަރެވެ. އޭނާ މީގެ ކުރިން ހުންނެވީ ކަސްޓަމްސްގެ ޑެޕިއުޓީ ޗީފް ސުޕްރިޓެންޑެއްގެ މަގާމުގައެވެ.
ކަސްޓަމްސްގެ ޑެޕިއުޓީ ކޮމިޝަނަރުގެ މަގާމުގައި ދެން ތިއްބަވަނީ ފާތިމަތު ދިޔާނާ އާއި އަބްދުﷲ ވަހީދު އަދި މަހުމޫދު ރިޔާޒެވެ.
