ރާއްޖޭގެ ބައެއް ސަރަހައްދުތަކަށް މޫސުން ގޯސްވެ އޮރެންޖް ސަމާލު ނެރެފިއެވެ.
މޫސުމާއި ބެހޭ ޤައުމީ އިދާރާއިން ވަނީ ބ. އަތޮޅުން ފެށިގެން މ. އަތޮޅަށް އޮރެންސް ސަމާލު ނެރެފައެވެ.
މި ސަމާލު ނެރެފައިވަނީ 17:30 އިން ފެށިގެން 20:30 އަށެވެ. މި ވަގުތުގައި ގަޑިއަކު 36 މޭލާއި 42 މޭލާއި ދެމެދުގެ ބާރުމިނުގައި ވައިޖެހި އަދި ވިލާގަނޑުގައި ގަޑިއަކު 60 މޭލަށް ވައި ގަދަވާނެކަމަށް ލަފާކުރެވޭނެކަމަށެވެ. ކަނޑުތައްވެސް އާދައިގެ ވަރަކަށް ގަދަވާނެކަމަށް މެޓް އޮފީހުން ވިދާޅުވެއެވެ.
އަދި ހއ. އަތޮޅުން ފެށިގެން ރ. އަތޮޅަށްވެސް ރީނދޫ ސަމާލު ވަނީ ނެރެފައެވެ. މި ސަމާލު ނެރެފައިވަނީ 18:30 އިން ފެށިގެން 20:30 އަށެވެ. މި ވަގުތުތަކުގައި ގަޑިއަކު 28 މޭލާއި 35 މޭލާއި ދެމެދުގެ ބާރުމިނުގައި ވައި ޖެހި ވިލާގަނޑުގައި ގަޑިއަކު 55 މޭލަށް ވައި ގަދަވެ، ކަނޑުތައް ވަރަށް ގަދަ ވާނެކަމަށް ލަފާކުރެވޭކަމަށް މެޓް އޮފީހުން ވަނީ ބުނެފައެވެ.
މޫސުމާއި ބެހޭ ޤައުމީ އިދާރާއިން ވަނީ، މިކަމަށް ކަނޑުދަތުރުފަތުރު ކުރާ ފަރާތްތަކުން ސަމާލުވުމަށް އިލްތިމާސްކުރައްވާފައެވެ.
