ތަޢުލީމީ ދާއިރާއަށް ދިގު މުއްދަތަކަށް ޚިދުމަތްކޮށްދެއްވާފައިވާ މުޙައްމަދު ޒަކީ ނިޔާވުމާ ގުޅިގެން އެ ޢާއިލާއަށް ރައީސުލްޖުމްހޫރިއްޔާ ޑރ.މުޙައްމަދު މުޢިއްޒު ތަޢުޒިޔާ ވިދާޅުވެއްޖެއެވެ. އެމަނިކުފާނު ނިޔާވިއިރު ޢުމުރުފުޅަކީ 68 އަހަރެވެ.
ޒަކީ ނިޔާވުމާއި ގުޅިގެން ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު އެކްސްގައި ކުރެއްވި ޕޯސްޓެއްގައި ވިދާޅުވީ، އަލްމަރުޙޫމް މުޙައްމަދު ޒަކީއަށް ﷲ ހެޔޮ ރަޙްމަތްލައްވައި، ސުވަރުގޭގެ ދާއިމީ ނިޢުމަތް މިންވަރުކުރެއްވުމަށް އެދި ދުޢާކުރައްވާކަމަށެވެ. އަދި މަރުޙޫމް މުޙައްމަދު ޒަކީގެ ޢާއިލާއަށް ކެތްތެރިކަން ދެއްވުން އެދި ރައީސުލްޖުމްހޫރިއްޔާ ވަނީ ދުޢާ ކުރައްވާފައެވެ.
ޒަކީ ނިޔާވުމާއި ގުޅިގެން ރައީސުލްޖުމްހޫރިއްޔާގެ ނައިބު އަލްއުސްތާޛް ޙުސައިން މުޙައްމަދު ލަޠީފްވެސް ޢާއިލާއަށް ތަޢުޒިޔާ ވިދާޅުވެފައެވެ. ރައީސުލްޖުމްހޫރިއްޔާގެ ނައިބު ވިދާޅުވީ، ދިވެހި ދައުލަތަށް ގިނަގުނަ ޚިދުމަތަތްތަކެއް ކޮށްދެއްވާފައިވާ މުޙައްމަދު ޒަކީ ނިޔާވި ޚަބަރު އެއްސެވީ ކުއްލި ހައިރާންކަމާއި އާއެކުކަމަށެވެ. އަދި ޒަކީގެ ފުރާނަފުޅަށް ރަޙްމަތްލެއްވުން އެދި ވަނީ ދުޢާކުރައްވާފައެވެ.
ޒަކީ ވަނީ 47 އަހަރަށްވުރެ ގިނަ ދުވަހު ތަޢުލީމީ ދާއިރާއަށް ޚިދުމަތްކުރައްވާފައެވެ. ޒަކީއަށް ވަނީ ދިވެހި ދައުލަތަށް ޚިދުމަތް ކުރުމުގެ އިނާމު 2023 ވަނަ އަހަރު ލިބިވަޑައިގެންފައެވެ.
މުޙައްމަދު ޒަކީ، ދިވެހި ދައުލަތަށް ޚިދުމަތް ކުރައްވަން ފެށްޓެވީ، 3 މާރިޗު 1973 ގައެވެ. 28 އޮކްޓޫބަރު 2020 ގައި އުމުރުން 65 އަހަރުވެގެން، ޚިދުމަތުން ރިޓަޔަރކުރެއްވިއިރު ހުންނެވީ، ޑިޕާޓްމަންޓް އޮފް ޕަބްލިކް އެގްޒޭމިނޭޝަންސްގެ ސީނިއަރ ޕްރިންޓިންގ ސުޕަވައިޒަރެއްގެ މަގާމުގައެވެ. އެންމެ ގިނަދުވަހު މަސައްކަތްކުރެއްވީ ޗާޕާ ބެހޭ މަސައްކަތެވެ. އަދި އިމްތިހާނު ކަރުދާސްތައް ރަށްރަށާ ސެންޓަރުތަކަށް ފޮނުވުމުގައިވެސް ޒަކީވަނީ މުހިންމު މަސައްކަތްތަކެއް ކުރައްވާފައެވެ.
ތަޢުލީމީ ދާއިރާގެ އިތުރުން ސަރުކާރުގެ އެހެން ދާއިރާކުންވެސް ޒަކީ ވަނީ ޚިދުމަތްކުރައްވާފައެވެ.
إِنَّا ِلِلَّٰهِ وَإِنَّا إِلَيْهِ رَاجِعُونَ
ދިވެހި ދައުލަތަށް 47 އަހަރަށް ވުރެ ގިނަ ދުވަހު ޚިދުމަތްކުރައްވައި، އެކަމުގެ އަގު ދައުލަތުން ވަޒަންކުރައްވާ އިނާމު ދެއްވަވާފައިވާ ޚިދުމަތްތެރިއެއްކަމުގައިވާ އަލްމަރުޙޫމް މުޙައްމަދު ޒަކީއަށް ކީރިތިﷲ ހެޔޮ ރަޙްމަތްލައްވައި، ސުވަރުގޭގެ… pic.twitter.com/JNdgNXYDvd
— Dr Mohamed Muizzu (@MMuizzu) June 17, 2024
