ސައުދީގެ މާތް ތަންތަނަށް ރެކޯޑް ޢަދަދަކަށް ހޫނު މިން އަރައިފިއެވެ.
މި އަހަރުގެ ހައްޖު މޫސުމުގައި، މިއަދު ރެކޯޑް ޢަދަދަކަށް ހޫނުމިން މަތިވެފައިވާ ކަމަށް ސައުދީގެ ހެލްތު މިނިސްޓްރީން ވަނީ ރިޕޯޓްކޮށްފައެެވެ.
ހޫނު ގަދަ ވުމުގެ ސަބަބުން އުރުދުން އާއި އީރާންގެ ޙައްޖާޖީންގެ ތެރެއިން 19 މީހަކު ވަނީ މަރުވެފައެވެ.
ޙަރަމްފުޅުގެ ތެރޭގައި ފިނިހޫނުމިން 51.8 ޑިގްރީ ސެލްސިއަސްއަށް އުފުލިފައިވާއިރު، އަރަފާތު 48 ޑިގްރީ ސެލްސިއަސް އަދި މީނާ އަދި މުޒްދަލިފާގައި 46 ޑިގްރީ ސެލްސިއަސް އަށް އަރާފައިވާ ކަމަށް ސައުދީގެ މިނިސްޓްރީން ވިދާޅުވެއެވެ.
ސައުދީގެ ހޫނުމިން މި ދުވަސްވަރު 40 ޑިގްރީ ސެލްސިއަސްއަށް ވުރެ ވެސް މައްޗަށް ދޭނެ ކަަމަށް ލަފާކުރެވޭތީ، ގިނައިން ފެން ބުއިމާއި ދިޔާތަކެތި ބޭނުން ކުރުމަށް ކަމާބެހޭ ފަރާތްތަކުން އަންނަނީ އިލްތިމާސްކުރަމުންނެވެ.
