ޔޫރޯ 2024 ގައި ރޭ ކުޅުނު މެޗުގައި، 1-0 ގެ ނަތީޖާއަކުން ފްރާންސް، އޮސްޓްރިއާ އަތުން މޮޅުވެއްޖެއެވެ.
ފްރާންސް މޮޅުވި ލަނޑަކީ 37 ވަނަ މިނިޓްގައި އެމްބާޕޭ އަރިމަތިން އޭރިޔާ ތެރެއަށް ވަދެ ހުރަސްކޮށްލި ބޯޅަ އޮސްޓްރިއާގެ ޑިފެންޑަރ ވޮބާ ބޮލުން ބައިކޮޅަށް ވަދެގެން ފްރާންސަށް ކާމިޔާބުކުރެވުނު ލަނޑެކެވެ.
މި މެޗަކީ މިމުބާރާތުގައި މިހާތަނަށް އެންމެ ގިނަ ކާޑު ދެއްކި މެޗެވެ. އަދި އިތުރު ވަގުތު އެންމެ ގިނައިން ދެއްކި މެޗުވެސް މެއެވެ. މެޗުގައި ހަތް ކުޅުންތެރިއަކަށް ރީނދޫ ކާޑު ދެއްކިއެވެ. އޭގެތެރެއިން ފަސް ކާޑް ދެއްކީ އޮސްޓްރިއާ ކުޅުންތެރިން ނަށެވެ. ފްރާންސުން ކާޑް ދެއްކީ އެމްބާޕޭ އާއި ޑެމްބެލޭ އަށެވެ. އިތުރު ވަގުތުގެ ގޮތުގައި 9 މިނިޓް ދެއްކިއެވެ.
ރިޕޯޓްކޮށްފައިވާ ގޮތުގައި ރޭގެ މެޗުގައި، ފްރާންސްގެ ފޯވާޑް ހޮސްޕިޓަލަށް ގެންގޮސްފައިވަނީ ކުޅުންތެރިއެއްގެ ގައިގައި ޖެހުމާ ގުޅިގެން ނޭފަތުން ލޭ ފައިބަން ފެށުމުންނެވެ. އޭގެ އަދި ނޭފަތް ފަޅައިގެން ގޮސްފައިވާ ކަމަށް ބެލެވޭ ކަމަށް ރިޕޯޓްކޮށްފައިވެއެވެ.
މިގްރޫޕްގައި ދެން ހިމެނެނީ ނެދަލެންޑްސްއާއި ޕޮލެންޑެވެ. އެދެޓީމް ވާދަކުރި މެޗު ކާމިޔާބުކުރީ ނެދަލެންޑްސް އެވެ.
